मुदाकरात्तमोदकं सदा विमुक्तिसाधकं
mudākarāttamodakaṁ sadā vimuktisādhakaṁ
He who holds a modak in a joyful hand, always the means of release,
कलाधरावतंसकं विलासिलोकरक्षकम्।
kalādharāvataṁsakaṁ vilāsilokarakṣakam.
who wears the crescent as an ornament, who guards this shining world,
अनायकैकनायकं विनाशितेभदैत्यकं
anāyakaikanāyakaṁ vināśitebhadaityakaṁ
the one leader of the leaderless, who destroyed the elephant demon,
नताशुभाशुनाशकं नमामि तं विनायकम्॥
natāśubhāśunāśakaṁ namāmi taṁ vināyakam.
who swiftly ends the ill fortune of those who bow — I bow to that Vinayaka.
नतेतरातिभीकरं नवोदितार्कभास्वरं
natetarātibhīkaraṁ navoditārkabhāsvaraṁ
Terrible to the enemies of those who bow, bright as the newly risen sun,
नमत्सुरारिनिर्जरं नताधिकापदुद्धरम्।
namatsurārinirjaraṁ natādhikāpaduddharam.
before whom the gods' foes wither, who lifts the bowed out of great danger,
सुरेश्वरं निधीश्वरं गजेश्वरं गणेश्वरं
sureśvaraṁ nidhīśvaraṁ gajeśvaraṁ gaṇeśvaraṁ
lord of the gods, lord of treasures, lord of elephants, lord of the ganas,
महेश्वरं तमाश्रये परात्परं निरन्तरम्॥
maheśvaraṁ tamāśraye parātparaṁ nirantaram.
the great lord, higher than the highest — in him I take refuge, without pause.
समस्तलोकशंकरं निरस्तदैत्यकुञ्जरं
samastalokaśaṁkaraṁ nirastadaityakuñjaraṁ
Who does good to every world, who cast out the demon elephant,
दरेतरोदरं वरं वरेभवक्त्रमक्षरम्।
daretarodaraṁ varaṁ varebhavaktramakṣaram.
whose belly is wide, the boon-giver, elephant-faced and imperishable,
कृपाकरं क्षमाकरं मुदाकरं यशस्करं
kr̥pākaraṁ kṣamākaraṁ mudākaraṁ yaśaskaraṁ
maker of mercy, of forgiveness, of joy, of good name,
मनस्करं नमस्कृतां नमस्करोमि भास्वरम्॥
manaskaraṁ namaskr̥tāṁ namaskaromi bhāsvaram.
who steadies the minds of those who bow — I bow to that shining one.
अकिञ्चनार्तिमार्जनं चिरन्तनोक्तिभाजनं
akiñcanārtimārjanaṁ cirantanoktibhājanaṁ
Who wipes away the pain of the destitute, the vessel of the ancient word,
पुरारिपूर्वनन्दनं सुरारिगर्वचर्वणम्।
purāripūrvanandanaṁ surārigarvacarvaṇam.
the elder son of Shiva, the chewer of the pride of the gods' enemies,
प्रपञ्चनाशभीषणं धनञ्जयादिभूषणं
prapañcanāśabhīṣaṇaṁ dhanañjayādibhūṣaṇaṁ
fearsome in the undoing of the world, adorned with the serpent Dhananjaya,
कपोलदानवारणं भजे पुराणवारणम्॥
kapoladānavāraṇaṁ bhaje purāṇavāraṇam.
whose temples run with ichor — I worship that ancient elephant.
नितान्तकान्तदन्तकान्तिमन्तकान्तकात्मजं
nitāntakāntadantakāntimantakāntakātmajaṁ
Son of him who ended Death, lovely with the lustre of his one tusk,
अचिन्त्यरूपमन्तहीनमन्तरायकृन्तनम्।
acintyarūpamantahīnamantarāyakr̥ntanam.
of form beyond thought, without end, the cutter of every hindrance,
हृदन्तरे निरन्तरं वसन्तमेव योगिनां
hr̥dantare nirantaraṁ vasantameva yogināṁ
who dwells unceasingly within the hearts of yogis —
तमेकदन्तमेव तं विचिन्तयामि सन्ततम्॥
tamekadantameva taṁ vicintayāmi santatam.
on that single-tusked one alone I meditate, always.
महागणेशपञ्चरत्नमादरेण योऽन्वहं
mahāgaṇeśapañcaratnamādareṇa yo'nvahaṁ
Whoever, with reverence, every day
प्रजल्पति प्रभातके हृदि स्मरन् गणेश्वरम्।
prajalpati prabhātake hr̥di smaran gaṇeśvaram.
recites these five jewels of Mahaganesha at dawn, holding Ganesh ji in the heart,
अरोगतामदोषतां सुसाहितीं सुपुत्रतां
arogatāmadoṣatāṁ susāhitīṁ suputratāṁ
soon gains good health, freedom from fault, a gift for words, good children,
समाहितायुरष्टभूतिमभ्युपैति सोऽचिरात्॥
samāhitāyuraṣṭabhūtimabhyupaiti so'cirāt.
a long and settled life, and the eight kinds of prosperity.