जगद्धात्रि नमस्तुभ्यं विष्णोश्च प्रियवल्लभे।
jagaddhātri namastubhyaṁ viṣṇośca priyavallabhe.
O Mother who sustains the world, beloved of Vishnu ji, I bow to You,
यतो ब्रह्मादयो देवाः सृष्टिस्थित्यन्तकारिणः॥
yato brahmādayo devāḥ sr̥ṣṭisthityantakāriṇaḥ.
by whose grace Brahma ji and the devas create, sustain and end the world.
नमस्तुलसि कल्याणि नमो विष्णुप्रिये शुभे।
namastulasi kalyāṇi namo viṣṇupriye śubhe.
I bow to You, Tulsi, who bring every good; I bow to You, dear to Vishnu ji, O blessed one;
नमो मोक्षप्रदे देवि नमः सम्पत्प्रदायिके॥
namo mokṣaprade devi namaḥ sampatpradāyike.
I bow to You, Devi who gives moksha; I bow to You who give prosperity.
तुलसी पातु मां नित्यं सर्वापद्भ्योऽपि सर्वदा।
tulasī pātu māṁ nityaṁ sarvāpadbhyo'pi sarvadā.
May Tulsi Maa protect me always, from every misfortune, at every time;
कीर्तितापि स्मृता वापि पवित्रयति मानवम्॥
kīrtitāpi smr̥tā vāpi pavitrayati mānavam.
praised aloud, or only remembered, She makes a person pure.
नमामि शिरसा देवीं तुलसीं विलसत्तनुम्।
namāmi śirasā devīṁ tulasīṁ vilasattanum.
With my head bowed I salute Devi Tulsi, radiant in form,
यां दृष्ट्वा पापिनो मर्त्या मुच्यन्ते सर्वकिल्बिषात्॥
yāṁ dr̥ṣṭvā pāpino martyā mucyante sarvakilbiṣāt.
at whose sight those who have done wrong are freed from every fault.
तुलस्या रक्षितं सर्वं जगदेतच्चराचरम्।
tulasyā rakṣitaṁ sarvaṁ jagadetaccarācaram.
By Tulsi this whole world, all that moves and all that is still, is kept safe;
या विनिहन्ति पापानि दृष्ट्वा वा पापिभिर्नरैः॥
yā vinihanti pāpāni dr̥ṣṭvā vā pāpibhirnaraiḥ.
She destroys wrongdoing, merely by being seen by those who have done wrong.
नमस्तुलस्यतितरां यस्यै बद्ध्वाञ्जलिं कलौ।
namastulasyatitarāṁ yasyai baddhvāñjaliṁ kalau.
I bow deeply to Tulsi, to whom, folding their hands in the Kali age,
कलयन्ति सुखं सर्वं स्त्रियो वैश्यास्तथापरे॥
kalayanti sukhaṁ sarvaṁ striyo vaiśyāstathāpare.
women, traders and all others find every happiness.
तुलस्या नापरं किञ्चिद्दैवतं जगतीतले।
tulasyā nāparaṁ kiñciddaivataṁ jagatītale.
On the face of the earth there is no deity beside Tulsi
यथा पवित्रितो लोको विष्णुसङ्गेन वैष्णवः॥
yathā pavitrito loko viṣṇusaṅgena vaiṣṇavaḥ.
by whom the world is made pure, as one is made pure by keeping Vishnu ji's company.
तुलस्याः पल्लवं विष्णोः शिरस्यारोपितं कलौ।
tulasyāḥ pallavaṁ viṣṇoḥ śirasyāropitaṁ kalau.
A tulsi leaf set upon Vishnu ji's head in the Kali age
आरोपयति सर्वाणि श्रेयांसि वरमस्तके॥
āropayati sarvāṇi śreyāṁsi varamastake.
sets every blessing upon the head of the one who offers it.
तुलस्यां सकला देवा वसन्ति सततं यतः।
tulasyāṁ sakalā devā vasanti satataṁ yataḥ.
Since all the devas dwell in Tulsi always,
अतस्तामर्चयेल्लोके सर्वान्देवान्समर्चयन्॥
atastāmarcayelloke sarvāndevānsamarcayan.
whoever offers puja to Her in this world offers it to all the devas.
नमस्तुलसि सर्वज्ञे पुरुषोत्तमवल्लभे।
namastulasi sarvajñe puruṣottamavallabhe.
I bow to You, Tulsi, who know all, beloved of Purushottam;
पाहि मां सर्वपापेभ्यः सर्वसम्पत्प्रदायिके॥
pāhi māṁ sarvapāpebhyaḥ sarvasampatpradāyike.
keep me from every wrong, You who give all prosperity.
इति स्तोत्रं पुरा गीतं पुण्डरीकेण धीमता।
iti stotraṁ purā gītaṁ puṇḍarīkeṇa dhīmatā.
This stotra was sung long ago by the wise Pundarika
विष्णुमर्चयता नित्यं शोभनैस्तुलसीदलैः॥
viṣṇumarcayatā nityaṁ śobhanaistulasīdalaiḥ.
as he offered puja to Vishnu ji each day with beautiful tulsi leaves.
तुलसी श्रीर्महालक्ष्मीर्विद्याविद्या यशस्विनी।
tulasī śrīrmahālakṣmīrvidyāvidyā yaśasvinī.
Tulsi, Shri, Mahalakshmi, Vidya, Avidya, Yashasvini,
धर्म्या धर्मानना देवी देवीदेवमनःप्रिया॥
dharmyā dharmānanā devī devīdevamanaḥpriyā.
Dharmya, Dharmanana, Devi, Devidevamanahpriya,
लक्ष्मीप्रियसखी देवी द्यौर्भूमिरचला चला।
lakṣmīpriyasakhī devī dyaurbhūmiracalā calā.
Lakshmipriyasakhi, Devi, Dyau, Bhumi, Achala and Chala:
षोडशैतानि नामानि तुलस्याः कीर्तयन्नरः॥
ṣoḍaśaitāni nāmāni tulasyāḥ kīrtayannaraḥ.
whoever says these sixteen names of Tulsi
लभते सुतरां भक्तिमन्ते विष्णुपदं लभेत्।
labhate sutarāṁ bhaktimante viṣṇupadaṁ labhet.
gains deep devotion, and at the end reaches Vishnu ji's abode.
तुलसी भूर्महालक्ष्मीः पद्मिनी श्रीर्हरिप्रिया॥
tulasī bhūrmahālakṣmīḥ padminī śrīrharipriyā.
Tulsi is the earth, Mahalakshmi, Padmini, Shri, the beloved of Hari.
तुलसि श्रीसखि शुभे पापहारिणि पुण्यदे।
tulasi śrīsakhi śubhe pāpahāriṇi puṇyade.
O Tulsi, friend of Lakshmi Maa, blessed one, who take wrong away and give merit,
नमस्ते नारदनुते नारायणमनःप्रिये॥
namaste nāradanute nārāyaṇamanaḥpriye.
I bow to You, whom Narad ji praises, dear to Narayan's own heart.