ॐ भद्रं कर्णेभिः शृणुयाम देवाः।
भद्रं पश्येमाक्षभिर्यजत्राः।
स्थिरैरङ्गैस्तुष्टुवांसस्तनूभिः।
व्यशेम देवहितं यदायुः॥
oṁ bhadraṁ karṇebhiḥ śr̥ṇuyāma devāḥ. bhadraṁ paśyemākṣabhiryajatrāḥ. sthirairaṅgaistuṣṭuvāṁsastanūbhiḥ. vyaśema devahitaṁ yadāyuḥ.
O gods, may we hear with our ears what is good; may we see with our eyes what is good. With steady limbs and bodies, singing your praise, may we live out the span the gods have given.
स्वस्ति न इन्द्रो वृद्धश्रवाः।
स्वस्ति नः पूषा विश्ववेदाः।
स्वस्ति नस्तार्क्ष्यो अरिष्टनेमिः।
स्वस्ति नो बृहस्पतिर्दधातु॥
ॐ शान्तिः शान्तिः शान्तिः॥
svasti na indro vr̥ddhaśravāḥ. svasti naḥ pūṣā viśvavedāḥ. svasti nastārkṣyo ariṣṭanemiḥ. svasti no br̥haspatirdadhātu. oṁ śāntiḥ śāntiḥ śāntiḥ.
May Indra of great fame grant us well-being; may all-knowing Pushan, Tarkshya of the unharmed wheel, and Brihaspati grant us well-being. Om, peace, peace, peace.
ॐ नमस्ते गणपतये।
त्वमेव प्रत्यक्षं तत्त्वमसि।
त्वमेव केवलं कर्तासि।
त्वमेव केवलं धर्तासि।
त्वमेव केवलं हर्तासि।
त्वमेव सर्वं खल्विदं ब्रह्मासि।
त्वं साक्षादात्मासि नित्यम्॥
oṁ namaste gaṇapataye. tvameva pratyakṣaṁ tattvamasi. tvameva kevalaṁ kartāsi. tvameva kevalaṁ dhartāsi. tvameva kevalaṁ hartāsi. tvameva sarvaṁ khalvidaṁ brahmāsi. tvaṁ sākṣādātmāsi nityam.1.
Om, salutations to you, Ganapati. You alone are the truth made visible. You alone create, you alone sustain, you alone dissolve. You alone are all this — Brahman itself. You are the Self, present and eternal.
ऋतं वच्मि।
सत्यं वच्मि॥
r̥taṁ vacmi. satyaṁ vacmi.2.
I speak what is right; I speak what is true.
अव त्वं माम्।
अव वक्तारम्।
अव श्रोतारम्।
अव दातारम्।
अव धातारम्।
अव अनूचानम्।
अव शिष्यम्।
अव पश्चात्तात्।
अव पुरस्तात्।
अवोत्तरात्तात्।
अव दक्षिणात्तात्।
अव चोर्ध्वात्तात्।
अवाधस्तात्।
सर्वतो मां पाहि पाहि समन्तात्॥
ava tvaṁ mām. ava vaktāram. ava śrotāram. ava dātāram. ava dhātāram. ava anūcānam. ava śiṣyam. ava paścāttāt. ava purastāt. avottarāttāt. ava dakṣiṇāttāt. ava cordhvāttāt. avādhastāt. sarvato māṁ pāhi pāhi samantāt.3.
Protect me. Protect the one who speaks and the one who hears, the one who gives and the one who keeps, the teacher and the student. Protect me from the west and the east, the north and the south, from above and below. Protect me on every side, all around.
त्वं वाङ्मयस्त्वं चिन्मयः।
त्वमानन्दमयस्त्वं ब्रह्ममयः।
त्वं सच्चिदानन्दाद्वितीयोऽसि।
त्वं प्रत्यक्षं ब्रह्मासि।
त्वं ज्ञानमयो विज्ञानमयोऽसि॥
tvaṁ vāṅmayastvaṁ cinmayaḥ. tvamānandamayastvaṁ brahmamayaḥ. tvaṁ saccidānandādvitīyo'si. tvaṁ pratyakṣaṁ brahmāsi. tvaṁ jñānamayo vijñānamayo'si.4.
You are speech and consciousness, bliss and Brahman; you are being, consciousness and bliss, without a second. You are Brahman made visible; you are knowledge and wisdom itself.
सर्वं जगदिदं त्वत्तो जायते।
सर्वं जगदिदं त्वत्तस्तिष्ठति।
सर्वं जगदिदं त्वयि लयमेष्यति।
सर्वं जगदिदं त्वयि प्रत्येति।
त्वं भूमिरापोऽनलोऽनिलो नभः।
त्वं चत्वारि वाक्पदानि॥
sarvaṁ jagadidaṁ tvatto jāyate. sarvaṁ jagadidaṁ tvattastiṣṭhati. sarvaṁ jagadidaṁ tvayi layameṣyati. sarvaṁ jagadidaṁ tvayi pratyeti. tvaṁ bhūmirāpo'nalo'nilo nabhaḥ. tvaṁ catvāri vākpadāni.5.
This whole world is born from you, stands by you, will dissolve into you and returns to you. You are earth, water, fire, air and sky. You are the four levels of speech.
त्वं गुणत्रयातीतः।
त्वमवस्थात्रयातीतः।
त्वं देहत्रयातीतः।
त्वं कालत्रयातीतः।
त्वं मूलाधारस्थितोऽसि नित्यम्।
त्वं शक्तित्रयात्मकः।
त्वां योगिनो ध्यायन्ति नित्यम्।
tvaṁ guṇatrayātītaḥ. tvaṁ kālatrayātītaḥ. tvaṁ dehatrayātītaḥ. tvaṁ mūlādhārasthito'si nityam. tvaṁ śaktitrayātmakaḥ. tvāṁ yogino dhyāyanti nityam.
You are beyond the three gunas, the three states, the three bodies and the three times. You dwell always at the muladhara. You are the three powers in one. Yogis hold you in their minds, always.
त्वं ब्रह्मा त्वं विष्णुस्त्वं रुद्रस्त्वमिन्द्रस्त्वमग्निस्त्वं वायुस्त्वं सूर्यस्त्वं चन्द्रमास्त्वं ब्रह्म भूर्भुवः स्वरोम्॥
tvaṁ brahmā tvaṁ viṣṇustvaṁ rudrastvamindrastvamagnistvaṁ vāyustvaṁ sūryastvaṁ candramāstvaṁ brahma bhūrbhuvaḥ svarom.6.
You are Brahma, Vishnu and Rudra; you are Indra, Agni and Vayu; you are the Sun and the Moon; you are Brahman — bhuh, bhuvah, svah and Om.
गणादिं पूर्वमुच्चार्य वर्णादिं तदनन्तरम्।
अनुस्वारः परतरः।
अर्धेन्दुलसितम्।
तारेण ऋद्धम्।
एतत्तव मनुस्वरूपम्।
gaṇādiṁ pūrvamuccārya varṇādiṁ tadanantaram. anusvāraḥ parataraḥ. ardhendulasitam. tāreṇa r̥ddham. etattava manusvarūpam.
First say 'ga', the first sound of 'gana', then 'a', the first of the letters, then the anusvara, crowned by the crescent and joined with Om — this is the form of your mantra.
गकारः पूर्वरूपम्।
अकारो मध्यमरूपम्।
अनुस्वारश्चान्त्यरूपम्।
बिन्दुरुत्तररूपम्।
नादः सन्धानम्।
संहिता सन्धिः।
सैषा गणेशविद्या।
gakāraḥ pūrvarūpam. akāro madhyamarūpam. anusvāraścāntyarūpam. binduruttararūpam. nādaḥ sandhānam. saṁhitā sandhiḥ. saiṣā gaṇeśavidyā.
'Ga' is its first part, 'a' its middle, the anusvara its end and the bindu what follows; the nada joins them, and their union makes it whole. This is the knowledge of Ganesha.
गणक ऋषिः।
निचृद्गायत्री छन्दः।
गणपतिर्देवता।
ॐ गं गणपतये नमः॥
gaṇaka r̥ṣiḥ. nicr̥dgāyatrī chandaḥ. gaṇapatirdevatā. oṁ gaṁ gaṇapataye namaḥ.7.
Its seer is Ganaka, its metre nichrid gayatri, its deity Ganapati. Om gam, salutations to Ganapati.
एकदन्ताय विद्महे वक्रतुण्डाय धीमहि।
तन्नो दन्ती प्रचोदयात्॥
ekadantāya vidmahe vakratuṇḍāya dhīmahi. tanno dantī pracodayāt.8.
We know the one-tusked; we hold in mind the one of the curved trunk. May that tusked one inspire us.
एकदन्तं चतुर्हस्तं पाशमङ्कुशधारिणम्।
रदं च वरदं हस्तैर्बिभ्राणं मूषकध्वजम्॥
ekadantaṁ caturhastaṁ pāśamaṅkuśadhāriṇam. radaṁ ca varadaṁ hastairbibhrāṇaṁ mūṣakadhvajam.
One-tusked and four-handed, bearing the noose and the goad, holding his tusk and granting boons, the mouse upon his banner;
रक्तं लम्बोदरं शूर्पकर्णकं रक्तवाससम्।
रक्तगन्धानुलिप्ताङ्गं रक्तपुष्पैः सुपूजितम्॥
raktaṁ lambodaraṁ śūrpakarṇakaṁ raktavāsasam. raktagandhānuliptāṅgaṁ raktapuṣpaiḥ supūjitam.
red, great-bellied, with ears like winnowing fans, dressed in red, anointed with red sandal and honoured with red flowers;
भक्तानुकम्पिनं देवं जगत्कारणमच्युतम्।
आविर्भूतं च सृष्ट्यादौ प्रकृतेः पुरुषात्परम्॥
एवं ध्यायति यो नित्यं स योगी योगिनां वरः॥
bhaktānukampinaṁ devaṁ jagatkāraṇamacyutam. āvirbhūtaṁ ca sr̥ṣṭyādau prakr̥teḥ puruṣātparam. evaṁ dhyāyati yo nityaṁ sa yogī yogināṁ varaḥ.9.
the god who is tender to his devotees, the imperishable cause of the world, who appeared at the dawn of creation, beyond Prakriti and Purusha — whoever holds him in mind thus each day is a yogi, first among yogis.
नमो व्रातपतये नमो गणपतये नमः प्रमथपतये नमस्तेऽस्तु लम्बोदरायैकदन्ताय विघ्ननाशिने शिवसुताय श्रीवरदमूर्तये नमः॥
namo vrātapataye namo gaṇapataye namaḥ pramathapataye namaste'stu lambodarāyaikadantāya vighnanāśine śivasutāya śrīvaradamūrtaye namaḥ.10.
Salutations to the lord of the multitudes, to Ganapati, to the lord of Shiva's hosts; salutations to you, great-bellied and one-tusked, destroyer of obstacles, son of Shiva, the boon-giving form.
एतदथर्वशीर्षं योऽधीते।
स ब्रह्मभूयाय कल्पते।
स सर्वविघ्नैर्न बाध्यते।
स सर्वतः सुखमेधते।
स पञ्चमहापापात्प्रमुच्यते।
etadatharvaśīrṣaṁ yo'dhīte. sa brahmabhūyāya kalpate. sa sarvavighnairna bādhyate. sa sarvataḥ sukhamedhate. sa pañcamahāpāpātpramucyate.
Whoever studies this Atharvashirsha becomes fit to realise Brahman, is held back by no obstacle, thrives in happiness everywhere and is freed from the five great sins.
सायमधीयानो दिवसकृतं पापं नाशयति।
प्रातरधीयानो रात्रिकृतं पापं नाशयति।
सायं प्रातः प्रयुञ्जानो अपापो भवति।
सर्वत्राधीयानोऽपविघ्नो भवति।
धर्मार्थकाममोक्षं च विन्दति।
sāyamadhīyāno divasakr̥taṁ pāpaṁ nāśayati. prātaradhīyāno rātrikr̥taṁ pāpaṁ nāśayati. sāyaṁ prātaḥ prayuñjāno apāpo bhavati. sarvatrādhīyāno'pavighno bhavati. dharmārthakāmamokṣaṁ ca vindati.
Read in the evening, it undoes the wrongs of the day; in the morning, those of the night; morning and evening, one is free of wrong; everywhere, free of obstacles — and one gains dharma, prosperity, fulfilment and liberation.
इदमथर्वशीर्षमशिष्याय न देयम्।
यो यदि मोहाद्दास्यति स पापीयान् भवति।
सहस्रावर्तनाद्यं यं काममधीते तं तमनेन साधयेत्॥
idamatharvaśīrṣamaśiṣyāya na deyam. yo yadi mohāddāsyati sa pāpīyān bhavati. sahasrāvartanādyaṁ yaṁ kāmamadhīte taṁ tamanena sādhayet.11.
This Atharvashirsha is not to be given to one who is not a disciple; whoever gives it out of delusion does wrong. By a thousand recitations, whatever wish one reads it for is accomplished.
अनेन गणपतिमभिषिञ्चति स वाग्मी भवति।
चतुर्थ्यामनश्नञ्जपति स विद्यावान् भवति।
इत्यथर्वणवाक्यम्।
ब्रह्माद्यावरणं विद्यात्।
न बिभेति कदाचनेति॥
anena gaṇapatimabhiṣiñcati sa vāgmī bhavati. caturthyāmanaśnañjapati sa vidyāvān bhavati. ityatharvaṇavākyam. brahmādyāvaraṇaṁ vidyāt. na bibheti kadācaneti.12.
Whoever bathes Ganapati while reciting it becomes eloquent; whoever recites it on Chaturthi without eating becomes learned. So says Atharvan. Whoever knows him as the one who enfolds even Brahma is never afraid.
यो दूर्वाङ्कुरैर्यजति स वैश्रवणोपमो भवति।
यो लाजैर्यजति स यशोवान् भवति।
स मेधावान् भवति।
यो मोदकसहस्रेण यजति स वाञ्छितफलमवाप्नोति।
यः साज्यसमिद्भिर्यजति स सर्वं लभते स सर्वं लभते॥
yo dūrvāṅkurairyajati sa vaiśravaṇopamo bhavati. yo lājairyajati sa yaśovān bhavati. sa medhāvān bhavati. yo modakasahasreṇa yajati sa vāñchitaphalamavāpnoti. yaḥ sājyasamidbhiryajati sa sarvaṁ labhate sa sarvaṁ labhate.13.
Whoever offers durva becomes like Kubera; whoever offers puffed rice gains renown and wisdom; whoever offers a thousand modak gains the fruit desired; whoever offers samidh with ghee gains everything.
अष्टौ ब्राह्मणान् सम्यग्ग्राहयित्वा सूर्यवर्चस्वी भवति।
सूर्यग्रहे महानद्यां प्रतिमासंनिधौ वा जप्त्वा सिद्धमन्त्रो भवति।
महाविघ्नात् प्रमुच्यते।
महापापात् प्रमुच्यते।
महादोषात् प्रमुच्यते।
स सर्वविद् भवति स सर्वविद् भवति।
य एवं वेद।
इत्युपनिषत्॥
aṣṭau brāhmaṇān samyaggrāhayitvā sūryavarcasvī bhavati. sūryagrahe mahānadyāṁ pratimāsaṁnidhau vā japtvā siddhamantro bhavati. mahāvighnāt pramucyate. mahāpāpāt pramucyate. mahādoṣāt pramucyate. sa sarvavid bhavati sa sarvavid bhavati. ya evaṁ veda.14. ityupaniṣat.
Whoever teaches it rightly to eight brahmins shines like the sun. Reciting it at a solar eclipse, by a great river or before a murti, one masters the mantra and is freed from great obstacles, great sins and great faults, and comes to know all — whoever knows this. So ends the Upanishad.
ॐ भद्रं कर्णेभिः शृणुयाम देवाः।
भद्रं पश्येमाक्षभिर्यजत्राः।
स्थिरैरङ्गैस्तुष्टुवांसस्तनूभिः।
व्यशेम देवहितं यदायुः॥
स्वस्ति न इन्द्रो वृद्धश्रवाः।
स्वस्ति नः पूषा विश्ववेदाः।
स्वस्ति नस्तार्क्ष्यो अरिष्टनेमिः।
स्वस्ति नो बृहस्पतिर्दधातु॥
ॐ शान्तिः शान्तिः शान्तिः॥
oṁ bhadraṁ karṇebhiḥ śr̥ṇuyāma devāḥ. bhadraṁ paśyemākṣabhiryajatrāḥ. sthirairaṅgaistuṣṭuvāṁsastanūbhiḥ. vyaśema devahitaṁ yadāyuḥ. svasti na indro vr̥ddhaśravāḥ. svasti naḥ pūṣā viśvavedāḥ. svasti nastārkṣyo ariṣṭanemiḥ. svasti no br̥haspatirdadhātu. oṁ śāntiḥ śāntiḥ śāntiḥ.
May we hear and see what is good, and may the gods grant us well-being. Om, peace, peace, peace.