ॐ भद्रं कर्णेभिः शृणुयाम देवाः।
भद्रं पश्येमाक्षभिर्यजत्राः।
स्थिरैरङ्गैस्तुष्टुवांसस्तनूभिः।
व्यशेम देवहितं यदायुः॥
oṁ bhadraṁ karṇebhiḥ śr̥ṇuyāma devāḥ. bhadraṁ paśyemākṣabhiryajatrāḥ. sthirairaṅgaistuṣṭuvāṁsastanūbhiḥ. vyaśema devahitaṁ yadāyuḥ.
हे देवो, हम कानों से शुभ सुनें, आँखों से शुभ देखें; स्थिर अंगों और शरीर से आपकी स्तुति करते हुए देवों द्वारा दी गई आयु पूरी करें।
स्वस्ति न इन्द्रो वृद्धश्रवाः।
स्वस्ति नः पूषा विश्ववेदाः।
स्वस्ति नस्तार्क्ष्यो अरिष्टनेमिः।
स्वस्ति नो बृहस्पतिर्दधातु॥
ॐ शान्तिः शान्तिः शान्तिः॥
svasti na indro vr̥ddhaśravāḥ. svasti naḥ pūṣā viśvavedāḥ. svasti nastārkṣyo ariṣṭanemiḥ. svasti no br̥haspatirdadhātu. oṁ śāntiḥ śāntiḥ śāntiḥ.
महायशस्वी इंद्र, सर्वज्ञ पूषा, अरिष्टनेमि तार्क्ष्य और बृहस्पति हमारा कल्याण करें। ॐ शांति, शांति, शांति।
ॐ नमस्ते गणपतये।
त्वमेव प्रत्यक्षं तत्त्वमसि।
त्वमेव केवलं कर्तासि।
त्वमेव केवलं धर्तासि।
त्वमेव केवलं हर्तासि।
त्वमेव सर्वं खल्विदं ब्रह्मासि।
त्वं साक्षादात्मासि नित्यम्॥
oṁ namaste gaṇapataye. tvameva pratyakṣaṁ tattvamasi. tvameva kevalaṁ kartāsi. tvameva kevalaṁ dhartāsi. tvameva kevalaṁ hartāsi. tvameva sarvaṁ khalvidaṁ brahmāsi. tvaṁ sākṣādātmāsi nityam.1.
ॐ गणपति, आपको नमस्कार। आप ही प्रत्यक्ष तत्त्व हैं। आप ही एकमात्र कर्ता, धर्ता और हर्ता हैं। आप ही यह सब कुछ — ब्रह्म हैं। आप ही साक्षात् नित्य आत्मा हैं।
ऋतं वच्मि।
सत्यं वच्मि॥
r̥taṁ vacmi. satyaṁ vacmi.2.
मैं ऋत कहता हूँ; मैं सत्य कहता हूँ।
अव त्वं माम्।
अव वक्तारम्।
अव श्रोतारम्।
अव दातारम्।
अव धातारम्।
अव अनूचानम्।
अव शिष्यम्।
अव पश्चात्तात्।
अव पुरस्तात्।
अवोत्तरात्तात्।
अव दक्षिणात्तात्।
अव चोर्ध्वात्तात्।
अवाधस्तात्।
सर्वतो मां पाहि पाहि समन्तात्॥
ava tvaṁ mām. ava vaktāram. ava śrotāram. ava dātāram. ava dhātāram. ava anūcānam. ava śiṣyam. ava paścāttāt. ava purastāt. avottarāttāt. ava dakṣiṇāttāt. ava cordhvāttāt. avādhastāt. sarvato māṁ pāhi pāhi samantāt.3.
मेरी रक्षा कीजिए। वक्ता, श्रोता, दाता, धारण करने वाले, आचार्य और शिष्य की रक्षा कीजिए। पश्चिम, पूर्व, उत्तर, दक्षिण, ऊपर और नीचे से रक्षा कीजिए। सब ओर से मेरी रक्षा कीजिए।
त्वं वाङ्मयस्त्वं चिन्मयः।
त्वमानन्दमयस्त्वं ब्रह्ममयः।
त्वं सच्चिदानन्दाद्वितीयोऽसि।
त्वं प्रत्यक्षं ब्रह्मासि।
त्वं ज्ञानमयो विज्ञानमयोऽसि॥
tvaṁ vāṅmayastvaṁ cinmayaḥ. tvamānandamayastvaṁ brahmamayaḥ. tvaṁ saccidānandādvitīyo'si. tvaṁ pratyakṣaṁ brahmāsi. tvaṁ jñānamayo vijñānamayo'si.4.
आप वाणी हैं, चैतन्य हैं, आनंद हैं, ब्रह्म हैं; आप अद्वितीय सच्चिदानंद हैं। आप प्रत्यक्ष ब्रह्म हैं; आप ज्ञान और विज्ञान स्वरूप हैं।
सर्वं जगदिदं त्वत्तो जायते।
सर्वं जगदिदं त्वत्तस्तिष्ठति।
सर्वं जगदिदं त्वयि लयमेष्यति।
सर्वं जगदिदं त्वयि प्रत्येति।
त्वं भूमिरापोऽनलोऽनिलो नभः।
त्वं चत्वारि वाक्पदानि॥
sarvaṁ jagadidaṁ tvatto jāyate. sarvaṁ jagadidaṁ tvattastiṣṭhati. sarvaṁ jagadidaṁ tvayi layameṣyati. sarvaṁ jagadidaṁ tvayi pratyeti. tvaṁ bhūmirāpo'nalo'nilo nabhaḥ. tvaṁ catvāri vākpadāni.5.
यह सारा जगत आपसे उत्पन्न होता है, आपमें स्थित है, आपमें लीन होगा और आपमें ही लौटता है। आप पृथ्वी, जल, अग्नि, वायु और आकाश हैं। आप वाणी के चारों स्तर हैं।
त्वं गुणत्रयातीतः।
त्वमवस्थात्रयातीतः।
त्वं देहत्रयातीतः।
त्वं कालत्रयातीतः।
त्वं मूलाधारस्थितोऽसि नित्यम्।
त्वं शक्तित्रयात्मकः।
त्वां योगिनो ध्यायन्ति नित्यम्।
tvaṁ guṇatrayātītaḥ. tvaṁ kālatrayātītaḥ. tvaṁ dehatrayātītaḥ. tvaṁ mūlādhārasthito'si nityam. tvaṁ śaktitrayātmakaḥ. tvāṁ yogino dhyāyanti nityam.
आप तीनों गुणों, तीनों अवस्थाओं, तीनों देहों और तीनों कालों से परे हैं। आप सदा मूलाधार में स्थित हैं। आप तीनों शक्तियों के स्वरूप हैं। योगी सदा आपका ध्यान करते हैं।
त्वं ब्रह्मा त्वं विष्णुस्त्वं रुद्रस्त्वमिन्द्रस्त्वमग्निस्त्वं वायुस्त्वं सूर्यस्त्वं चन्द्रमास्त्वं ब्रह्म भूर्भुवः स्वरोम्॥
tvaṁ brahmā tvaṁ viṣṇustvaṁ rudrastvamindrastvamagnistvaṁ vāyustvaṁ sūryastvaṁ candramāstvaṁ brahma bhūrbhuvaḥ svarom.6.
आप ब्रह्मा, विष्णु और रुद्र हैं; आप इंद्र, अग्नि और वायु हैं; आप सूर्य और चंद्रमा हैं; आप ब्रह्म हैं — भूः, भुवः, स्वः और ॐ।
गणादिं पूर्वमुच्चार्य वर्णादिं तदनन्तरम्।
अनुस्वारः परतरः।
अर्धेन्दुलसितम्।
तारेण ऋद्धम्।
एतत्तव मनुस्वरूपम्।
gaṇādiṁ pūrvamuccārya varṇādiṁ tadanantaram. anusvāraḥ parataraḥ. ardhendulasitam. tāreṇa r̥ddham. etattava manusvarūpam.
पहले 'गण' का आदि 'ग्', फिर वर्णों का आदि 'अ', उसके बाद अनुस्वार, अर्धचंद्र से शोभित और ॐ से युक्त — यही आपके मंत्र का स्वरूप है।
गकारः पूर्वरूपम्।
अकारो मध्यमरूपम्।
अनुस्वारश्चान्त्यरूपम्।
बिन्दुरुत्तररूपम्।
नादः सन्धानम्।
संहिता सन्धिः।
सैषा गणेशविद्या।
gakāraḥ pūrvarūpam. akāro madhyamarūpam. anusvāraścāntyarūpam. binduruttararūpam. nādaḥ sandhānam. saṁhitā sandhiḥ. saiṣā gaṇeśavidyā.
'ग्' पहला रूप है, 'अ' मध्य रूप, अनुस्वार अंतिम रूप और बिंदु उत्तर रूप; नाद इन्हें जोड़ता है और संहिता इनकी संधि है। यही गणेश विद्या है।
गणक ऋषिः।
निचृद्गायत्री छन्दः।
गणपतिर्देवता।
ॐ गं गणपतये नमः॥
gaṇaka r̥ṣiḥ. nicr̥dgāyatrī chandaḥ. gaṇapatirdevatā. oṁ gaṁ gaṇapataye namaḥ.7.
इसके ऋषि गणक हैं, छंद निचृद् गायत्री और देवता गणपति। ॐ गं गणपतये नमः।
एकदन्ताय विद्महे वक्रतुण्डाय धीमहि।
तन्नो दन्ती प्रचोदयात्॥
ekadantāya vidmahe vakratuṇḍāya dhīmahi. tanno dantī pracodayāt.8.
हम एकदंत को जानते हैं, वक्रतुंड का ध्यान करते हैं; वे दंती हमें प्रेरित करें।
एकदन्तं चतुर्हस्तं पाशमङ्कुशधारिणम्।
रदं च वरदं हस्तैर्बिभ्राणं मूषकध्वजम्॥
ekadantaṁ caturhastaṁ pāśamaṅkuśadhāriṇam. radaṁ ca varadaṁ hastairbibhrāṇaṁ mūṣakadhvajam.
एकदंत, चार हाथों वाले, पाश और अंकुश धारण किए, हाथों में दंत और वरमुद्रा, ध्वजा पर मूषक;
रक्तं लम्बोदरं शूर्पकर्णकं रक्तवाससम्।
रक्तगन्धानुलिप्ताङ्गं रक्तपुष्पैः सुपूजितम्॥
raktaṁ lambodaraṁ śūrpakarṇakaṁ raktavāsasam. raktagandhānuliptāṅgaṁ raktapuṣpaiḥ supūjitam.
लाल वर्ण, लंबोदर, सूप जैसे कान, लाल वस्त्र, लाल चंदन से लिप्त अंग, लाल पुष्पों से पूजित;
भक्तानुकम्पिनं देवं जगत्कारणमच्युतम्।
आविर्भूतं च सृष्ट्यादौ प्रकृतेः पुरुषात्परम्॥
एवं ध्यायति यो नित्यं स योगी योगिनां वरः॥
bhaktānukampinaṁ devaṁ jagatkāraṇamacyutam. āvirbhūtaṁ ca sr̥ṣṭyādau prakr̥teḥ puruṣātparam. evaṁ dhyāyati yo nityaṁ sa yogī yogināṁ varaḥ.9.
भक्तों पर कृपा करने वाले, जगत के अविनाशी कारण, सृष्टि के आरंभ में प्रकट, प्रकृति और पुरुष से परे — जो इस प्रकार नित्य उनका ध्यान करता है, वह योगियों में श्रेष्ठ योगी है।
नमो व्रातपतये नमो गणपतये नमः प्रमथपतये नमस्तेऽस्तु लम्बोदरायैकदन्ताय विघ्ननाशिने शिवसुताय श्रीवरदमूर्तये नमः॥
namo vrātapataye namo gaṇapataye namaḥ pramathapataye namaste'stu lambodarāyaikadantāya vighnanāśine śivasutāya śrīvaradamūrtaye namaḥ.10.
व्रातपति, गणपति और प्रमथपति को नमस्कार; लंबोदर, एकदंत, विघ्ननाशक, शिवसुत, वरदमूर्ति — आपको नमस्कार।
एतदथर्वशीर्षं योऽधीते।
स ब्रह्मभूयाय कल्पते।
स सर्वविघ्नैर्न बाध्यते।
स सर्वतः सुखमेधते।
स पञ्चमहापापात्प्रमुच्यते।
etadatharvaśīrṣaṁ yo'dhīte. sa brahmabhūyāya kalpate. sa sarvavighnairna bādhyate. sa sarvataḥ sukhamedhate. sa pañcamahāpāpātpramucyate.
जो इस अथर्वशीर्ष का अध्ययन करता है, वह ब्रह्मभाव के योग्य होता है, किसी विघ्न से बाधित नहीं होता, सब ओर सुख पाता है और पाँच महापापों से मुक्त होता है।
सायमधीयानो दिवसकृतं पापं नाशयति।
प्रातरधीयानो रात्रिकृतं पापं नाशयति।
सायं प्रातः प्रयुञ्जानो अपापो भवति।
सर्वत्राधीयानोऽपविघ्नो भवति।
धर्मार्थकाममोक्षं च विन्दति।
sāyamadhīyāno divasakr̥taṁ pāpaṁ nāśayati. prātaradhīyāno rātrikr̥taṁ pāpaṁ nāśayati. sāyaṁ prātaḥ prayuñjāno apāpo bhavati. sarvatrādhīyāno'pavighno bhavati. dharmārthakāmamokṣaṁ ca vindati.
संध्या को पढ़ने से दिन के, प्रातः पढ़ने से रात के पाप नष्ट होते हैं; दोनों समय पढ़ने से व्यक्ति निष्पाप और सर्वत्र पढ़ने से निर्विघ्न होता है, और धर्म, अर्थ, काम, मोक्ष पाता है।
इदमथर्वशीर्षमशिष्याय न देयम्।
यो यदि मोहाद्दास्यति स पापीयान् भवति।
सहस्रावर्तनाद्यं यं काममधीते तं तमनेन साधयेत्॥
idamatharvaśīrṣamaśiṣyāya na deyam. yo yadi mohāddāsyati sa pāpīyān bhavati. sahasrāvartanādyaṁ yaṁ kāmamadhīte taṁ tamanena sādhayet.11.
यह अथर्वशीर्ष अशिष्य को नहीं देना चाहिए; मोहवश जो देता है, वह पाप का भागी होता है। इसके सहस्र आवर्तन से जिस कामना से पाठ किया जाए, वह सिद्ध होती है।
अनेन गणपतिमभिषिञ्चति स वाग्मी भवति।
चतुर्थ्यामनश्नञ्जपति स विद्यावान् भवति।
इत्यथर्वणवाक्यम्।
ब्रह्माद्यावरणं विद्यात्।
न बिभेति कदाचनेति॥
anena gaṇapatimabhiṣiñcati sa vāgmī bhavati. caturthyāmanaśnañjapati sa vidyāvān bhavati. ityatharvaṇavākyam. brahmādyāvaraṇaṁ vidyāt. na bibheti kadācaneti.12.
जो इससे गणपति का अभिषेक करता है, वह वाग्मी होता है; जो चतुर्थी को उपवास रखकर इसका जप करता है, वह विद्वान होता है — ऐसा अथर्वण ऋषि का वचन है। जो उन्हें ब्रह्मा आदि का भी आवरण जानता है, वह कभी भयभीत नहीं होता।
यो दूर्वाङ्कुरैर्यजति स वैश्रवणोपमो भवति।
यो लाजैर्यजति स यशोवान् भवति।
स मेधावान् भवति।
यो मोदकसहस्रेण यजति स वाञ्छितफलमवाप्नोति।
यः साज्यसमिद्भिर्यजति स सर्वं लभते स सर्वं लभते॥
yo dūrvāṅkurairyajati sa vaiśravaṇopamo bhavati. yo lājairyajati sa yaśovān bhavati. sa medhāvān bhavati. yo modakasahasreṇa yajati sa vāñchitaphalamavāpnoti. yaḥ sājyasamidbhiryajati sa sarvaṁ labhate sa sarvaṁ labhate.13.
जो दूर्वा से यजन करता है, वह कुबेर समान होता है; जो लाजा से, वह यशस्वी और मेधावी होता है; जो सहस्र मोदकों से, वह मनचाहा फल पाता है; जो घी सहित समिधाओं से, वह सब कुछ पाता है।
अष्टौ ब्राह्मणान् सम्यग्ग्राहयित्वा सूर्यवर्चस्वी भवति।
सूर्यग्रहे महानद्यां प्रतिमासंनिधौ वा जप्त्वा सिद्धमन्त्रो भवति।
महाविघ्नात् प्रमुच्यते।
महापापात् प्रमुच्यते।
महादोषात् प्रमुच्यते।
स सर्वविद् भवति स सर्वविद् भवति।
य एवं वेद।
इत्युपनिषत्॥
aṣṭau brāhmaṇān samyaggrāhayitvā sūryavarcasvī bhavati. sūryagrahe mahānadyāṁ pratimāsaṁnidhau vā japtvā siddhamantro bhavati. mahāvighnāt pramucyate. mahāpāpāt pramucyate. mahādoṣāt pramucyate. sa sarvavid bhavati sa sarvavid bhavati. ya evaṁ veda.14. ityupaniṣat.
जो आठ ब्राह्मणों को इसे विधिवत ग्रहण कराता है, वह सूर्य समान तेजस्वी होता है। सूर्यग्रहण में, महानदी के तट पर या मूर्ति के सम्मुख जप करने से मंत्र सिद्ध होता है; व्यक्ति महाविघ्न, महापाप और महादोष से मुक्त होकर सर्वज्ञ होता है — जो ऐसा जानता है। यह उपनिषद है।
ॐ भद्रं कर्णेभिः शृणुयाम देवाः।
भद्रं पश्येमाक्षभिर्यजत्राः।
स्थिरैरङ्गैस्तुष्टुवांसस्तनूभिः।
व्यशेम देवहितं यदायुः॥
स्वस्ति न इन्द्रो वृद्धश्रवाः।
स्वस्ति नः पूषा विश्ववेदाः।
स्वस्ति नस्तार्क्ष्यो अरिष्टनेमिः।
स्वस्ति नो बृहस्पतिर्दधातु॥
ॐ शान्तिः शान्तिः शान्तिः॥
oṁ bhadraṁ karṇebhiḥ śr̥ṇuyāma devāḥ. bhadraṁ paśyemākṣabhiryajatrāḥ. sthirairaṅgaistuṣṭuvāṁsastanūbhiḥ. vyaśema devahitaṁ yadāyuḥ. svasti na indro vr̥ddhaśravāḥ. svasti naḥ pūṣā viśvavedāḥ. svasti nastārkṣyo ariṣṭanemiḥ. svasti no br̥haspatirdadhātu. oṁ śāntiḥ śāntiḥ śāntiḥ.
हम शुभ सुनें और शुभ देखें, और देवगण हमारा कल्याण करें। ॐ शांति, शांति, शांति।