ૐ ભદ્રં કર્ણેભિઃ શૃણુયામ દેવાઃ।
ભદ્રં પશ્યેમાક્ષભિર્યજત્રાઃ।
સ્થિરૈરઙ્ગૈસ્તુષ્ટુવાંસસ્તનૂભિઃ।
વ્યશેમ દેવહિતં યદાયુઃ॥
O gods, may we hear with our ears what is good; may we see with our eyes what is good. With steady limbs and bodies, singing your praise, may we live out the span the gods have given.
સ્વસ્તિ ન ઇન્દ્રો વૃદ્ધશ્રવાઃ।
સ્વસ્તિ નઃ પૂષા વિશ્વવેદાઃ।
સ્વસ્તિ નસ્તાર્ક્ષ્યો અરિષ્ટનેમિઃ।
સ્વસ્તિ નો બૃહસ્પતિર્દધાતુ॥
ૐ શાન્તિઃ શાન્તિઃ શાન્તિઃ॥
May Indra of great fame grant us well-being; may all-knowing Pushan, Tarkshya of the unharmed wheel, and Brihaspati grant us well-being. Om, peace, peace, peace.
ૐ નમસ્તે ગણપતયે।
ત્વમેવ પ્રત્યક્ષં તત્ત્વમસિ।
ત્વમેવ કેવલં કર્તાસિ।
ત્વમેવ કેવલં ધર્તાસિ।
ત્વમેવ કેવલં હર્તાસિ।
ત્વમેવ સર્વં ખલ્વિદં બ્રહ્માસિ।
ત્વં સાક્ષાદાત્માસિ નિત્યમ્॥
Om, salutations to you, Ganapati. You alone are the truth made visible. You alone create, you alone sustain, you alone dissolve. You alone are all this — Brahman itself. You are the Self, present and eternal.
ઋતં વચ્મિ।
સત્યં વચ્મિ॥
I speak what is right; I speak what is true.
અવ ત્વં મામ્।
અવ વક્તારમ્।
અવ શ્રોતારમ્।
અવ દાતારમ્।
અવ ધાતારમ્।
અવ અનૂચાનમ્।
અવ શિષ્યમ્।
અવ પશ્ચાત્તાત્।
અવ પુરસ્તાત્।
અવોત્તરાત્તાત્।
અવ દક્ષિણાત્તાત્।
અવ ચોર્ધ્વાત્તાત્।
અવાધસ્તાત્।
સર્વતો માં પાહિ પાહિ સમન્તાત્॥
Protect me. Protect the one who speaks and the one who hears, the one who gives and the one who keeps, the teacher and the student. Protect me from the west and the east, the north and the south, from above and below. Protect me on every side, all around.
ત્વં વાઙ્મયસ્ત્વં ચિન્મયઃ।
ત્વમાનન્દમયસ્ત્વં બ્રહ્મમયઃ।
ત્વં સચ્ચિદાનન્દાદ્વિતીયોઽસિ।
ત્વં પ્રત્યક્ષં બ્રહ્માસિ।
ત્વં જ્ઞાનમયો વિજ્ઞાનમયોઽસિ॥
You are speech and consciousness, bliss and Brahman; you are being, consciousness and bliss, without a second. You are Brahman made visible; you are knowledge and wisdom itself.
સર્વં જગદિદં ત્વત્તો જાયતે।
સર્વં જગદિદં ત્વત્તસ્તિષ્ઠતિ।
સર્વં જગદિદં ત્વયિ લયમેષ્યતિ।
સર્વં જગદિદં ત્વયિ પ્રત્યેતિ।
ત્વં ભૂમિરાપોઽનલોઽનિલો નભઃ।
ત્વં ચત્વારિ વાક્પદાનિ॥
This whole world is born from you, stands by you, will dissolve into you and returns to you. You are earth, water, fire, air and sky. You are the four levels of speech.
ત્વં ગુણત્રયાતીતઃ।
ત્વમવસ્થાત્રયાતીતઃ।
ત્વં દેહત્રયાતીતઃ।
ત્વં કાલત્રયાતીતઃ।
ત્વં મૂલાધારસ્થિતોઽસિ નિત્યમ્।
ત્વં શક્તિત્રયાત્મકઃ।
ત્વાં યોગિનો ધ્યાયન્તિ નિત્યમ્।
You are beyond the three gunas, the three states, the three bodies and the three times. You dwell always at the muladhara. You are the three powers in one. Yogis hold you in their minds, always.
ત્વં બ્રહ્મા ત્વં વિષ્ણુસ્ત્વં રુદ્રસ્ત્વમિન્દ્રસ્ત્વમગ્નિસ્ત્વં વાયુસ્ત્વં સૂર્યસ્ત્વં ચન્દ્રમાસ્ત્વં બ્રહ્મ ભૂર્ભુવઃ સ્વરોમ્॥
You are Brahma, Vishnu and Rudra; you are Indra, Agni and Vayu; you are the Sun and the Moon; you are Brahman — bhuh, bhuvah, svah and Om.
ગણાદિં પૂર્વમુચ્ચાર્ય વર્ણાદિં તદનન્તરમ્।
અનુસ્વારઃ પરતરઃ।
અર્ધેન્દુલસિતમ્।
તારેણ ઋદ્ધમ્।
એતત્તવ મનુસ્વરૂપમ્।
First say 'ga', the first sound of 'gana', then 'a', the first of the letters, then the anusvara, crowned by the crescent and joined with Om — this is the form of your mantra.
ગકારઃ પૂર્વરૂપમ્।
અકારો મધ્યમરૂપમ્।
અનુસ્વારશ્ચાન્ત્યરૂપમ્।
બિન્દુરુત્તરરૂપમ્।
નાદઃ સન્ધાનમ્।
સંહિતા સન્ધિઃ।
સૈષા ગણેશવિદ્યા।
'Ga' is its first part, 'a' its middle, the anusvara its end and the bindu what follows; the nada joins them, and their union makes it whole. This is the knowledge of Ganesha.
ગણક ઋષિઃ।
નિચૃદ્ગાયત્રી છન્દઃ।
ગણપતિર્દેવતા।
ૐ ગં ગણપતયે નમઃ॥
Its seer is Ganaka, its metre nichrid gayatri, its deity Ganapati. Om gam, salutations to Ganapati.
એકદન્તાય વિદ્મહે વક્રતુણ્ડાય ધીમહિ।
તન્નો દન્તી પ્રચોદયાત્॥
We know the one-tusked; we hold in mind the one of the curved trunk. May that tusked one inspire us.
એકદન્તં ચતુર્હસ્તં પાશમઙ્કુશધારિણમ્।
રદં ચ વરદં હસ્તૈર્બિભ્રાણં મૂષકધ્વજમ્॥
One-tusked and four-handed, bearing the noose and the goad, holding his tusk and granting boons, the mouse upon his banner;
રક્તં લમ્બોદરં શૂર્પકર્ણકં રક્તવાસસમ્।
રક્તગન્ધાનુલિપ્તાઙ્ગં રક્તપુષ્પૈઃ સુપૂજિતમ્॥
red, great-bellied, with ears like winnowing fans, dressed in red, anointed with red sandal and honoured with red flowers;
ભક્તાનુકમ્પિનં દેવં જગત્કારણમચ્યુતમ્।
આવિર્ભૂતં ચ સૃષ્ટ્યાદૌ પ્રકૃતેઃ પુરુષાત્પરમ્॥
એવં ધ્યાયતિ યો નિત્યં સ યોગી યોગિનાં વરઃ॥
the god who is tender to his devotees, the imperishable cause of the world, who appeared at the dawn of creation, beyond Prakriti and Purusha — whoever holds him in mind thus each day is a yogi, first among yogis.
નમો વ્રાતપતયે નમો ગણપતયે નમઃ પ્રમથપતયે નમસ્તેઽસ્તુ લમ્બોદરાયૈકદન્તાય વિઘ્નનાશિને શિવસુતાય શ્રીવરદમૂર્તયે નમઃ॥
Salutations to the lord of the multitudes, to Ganapati, to the lord of Shiva's hosts; salutations to you, great-bellied and one-tusked, destroyer of obstacles, son of Shiva, the boon-giving form.
એતદથર્વશીર્ષં યોઽધીતે।
સ બ્રહ્મભૂયાય કલ્પતે।
સ સર્વવિઘ્નૈર્ન બાધ્યતે।
સ સર્વતઃ સુખમેધતે।
સ પઞ્ચમહાપાપાત્પ્રમુચ્યતે।
Whoever studies this Atharvashirsha becomes fit to realise Brahman, is held back by no obstacle, thrives in happiness everywhere and is freed from the five great sins.
સાયમધીયાનો દિવસકૃતં પાપં નાશયતિ।
પ્રાતરધીયાનો રાત્રિકૃતં પાપં નાશયતિ।
સાયં પ્રાતઃ પ્રયુઞ્જાનો અપાપો ભવતિ।
સર્વત્રાધીયાનોઽપવિઘ્નો ભવતિ।
ધર્માર્થકામમોક્ષં ચ વિન્દતિ।
Read in the evening, it undoes the wrongs of the day; in the morning, those of the night; morning and evening, one is free of wrong; everywhere, free of obstacles — and one gains dharma, prosperity, fulfilment and liberation.
ઇદમથર્વશીર્ષમશિષ્યાય ન દેયમ્।
યો યદિ મોહાદ્દાસ્યતિ સ પાપીયાન્ ભવતિ।
સહસ્રાવર્તનાદ્યં યં કામમધીતે તં તમનેન સાધયેત્॥
This Atharvashirsha is not to be given to one who is not a disciple; whoever gives it out of delusion does wrong. By a thousand recitations, whatever wish one reads it for is accomplished.
અનેન ગણપતિમભિષિઞ્ચતિ સ વાગ્મી ભવતિ।
ચતુર્થ્યામનશ્નઞ્જપતિ સ વિદ્યાવાન્ ભવતિ।
ઇત્યથર્વણવાક્યમ્।
બ્રહ્માદ્યાવરણં વિદ્યાત્।
ન બિભેતિ કદાચનેતિ॥
Whoever bathes Ganapati while reciting it becomes eloquent; whoever recites it on Chaturthi without eating becomes learned. So says Atharvan. Whoever knows him as the one who enfolds even Brahma is never afraid.
યો દૂર્વાઙ્કુરૈર્યજતિ સ વૈશ્રવણોપમો ભવતિ।
યો લાજૈર્યજતિ સ યશોવાન્ ભવતિ।
સ મેધાવાન્ ભવતિ।
યો મોદકસહસ્રેણ યજતિ સ વાઞ્છિતફલમવાપ્નોતિ।
યઃ સાજ્યસમિદ્ભિર્યજતિ સ સર્વં લભતે સ સર્વં લભતે॥
Whoever offers durva becomes like Kubera; whoever offers puffed rice gains renown and wisdom; whoever offers a thousand modak gains the fruit desired; whoever offers samidh with ghee gains everything.
અષ્ટૌ બ્રાહ્મણાન્ સમ્યગ્ગ્રાહયિત્વા સૂર્યવર્ચસ્વી ભવતિ।
સૂર્યગ્રહે મહાનદ્યાં પ્રતિમાસંનિધૌ વા જપ્ત્વા સિદ્ધમન્ત્રો ભવતિ।
મહાવિઘ્નાત્ પ્રમુચ્યતે।
મહાપાપાત્ પ્રમુચ્યતે।
મહાદોષાત્ પ્રમુચ્યતે।
સ સર્વવિદ્ ભવતિ સ સર્વવિદ્ ભવતિ।
ય એવં વેદ।
ઇત્યુપનિષત્॥
Whoever teaches it rightly to eight brahmins shines like the sun. Reciting it at a solar eclipse, by a great river or before a murti, one masters the mantra and is freed from great obstacles, great sins and great faults, and comes to know all — whoever knows this. So ends the Upanishad.
ૐ ભદ્રં કર્ણેભિઃ શૃણુયામ દેવાઃ।
ભદ્રં પશ્યેમાક્ષભિર્યજત્રાઃ।
સ્થિરૈરઙ્ગૈસ્તુષ્ટુવાંસસ્તનૂભિઃ।
વ્યશેમ દેવહિતં યદાયુઃ॥
સ્વસ્તિ ન ઇન્દ્રો વૃદ્ધશ્રવાઃ।
સ્વસ્તિ નઃ પૂષા વિશ્વવેદાઃ।
સ્વસ્તિ નસ્તાર્ક્ષ્યો અરિષ્ટનેમિઃ।
સ્વસ્તિ નો બૃહસ્પતિર્દધાતુ॥
ૐ શાન્તિઃ શાન્તિઃ શાન્તિઃ॥
May we hear and see what is good, and may the gods grant us well-being. Om, peace, peace, peace.