मार्कण्डेय उवाच ।
ॐ यद्गुह्यं परमं लोके सर्वरक्षाकरं नृणाम् ।
यन्न कस्यचिदाख्यातं तन्मे ब्रूहि पितामह॥
mārkaṇḍeya uvāca . oṁ yadguhyaṁ paramaṁ loke sarvarakṣākaraṁ nr̥ṇām . yanna kasyacidākhyātaṁ tanme brūhi pitāmaha.
Markandeya said: O Grandfather! Please tell me that supreme secret in this world which gives all protection to people, and which has not been revealed to anyone.
ब्रह्मोवाच ।
अस्ति गुह्यतमं विप्र सर्वभूतोपकारकम् ।
देव्यास्तु कवचं पुण्यं तच्छृणुष्व महामुने॥
brahmovāca . asti guhyatamaṁ vipra sarvabhūtopakārakam . devyāstu kavacaṁ puṇyaṁ tacchr̥ṇuṣva mahāmune.
Brahma said: O Brahmin, there is the most secret and useful to all beings. It is the sacred armour of the Devi; listen to it, O great sage.
प्रथमं शैलपुत्री च द्वितीयं ब्रह्मचारिणी ।
तृतीयं चन्द्रघण्टेति कूष्माण्डेति चतुर्थकम्॥
prathamaṁ śailaputrī ca dvitīyaṁ brahmacāriṇī . tr̥tīyaṁ candraghaṇṭeti kūṣmāṇḍeti caturthakam.
The first is Shailaputri, the second is Brahmacharini, the third is Chandraghanta, and the fourth is Kushmanda.
पञ्चमं स्कन्दमातेति षष्ठं कात्यायनीति च ।
सप्तमं कालरात्रीति महागौरीति चाष्टमम्॥
pañcamaṁ skandamāteti ṣaṣṭhaṁ kātyāyanīti ca . saptamaṁ kālarātrīti mahāgaurīti cāṣṭamam.
The fifth is Skandamata, the sixth is Katyayani, the seventh is Kalaratri, and the eighth is Mahagauri.
नवमं सिद्धिदात्री च नवदुर्गाः प्रकीर्तिताः ।
उक्तान्येतानि नामानि ब्रह्मणैव महात्मना॥
navamaṁ siddhidātrī ca navadurgāḥ prakīrtitāḥ . uktānyetāni nāmāni brahmaṇaiva mahātmanā.
The ninth is Siddhidatri; these are known as the Navadurgas. These names have been declared by the great soul Brahma himself.
अग्निना दह्यमानस्तु शत्रुमध्ये गतो रणे ।
विषमे दुर्गमे चैव भयार्त्ताः शरणं गताः॥
agninā dahyamānastu śatrumadhye gato raṇe . viṣame durgame caiva bhayārttāḥ śaraṇaṁ gatāḥ.
Those who are burning in fire, surrounded by enemies in battle, or caught in an impassable crisis, and who seek refuge in Her,
न तेषां जायते किंचिदशुभं रणसंकटे ।
नापदं तस्य पश्यामि शोकदुःखभयं न हि॥
na teṣāṁ jāyate kiṁcidaśubhaṁ raṇasaṁkaṭe . nāpadaṁ tasya paśyāmi śokaduḥkhabhayaṁ na hi.
No inauspiciousness befalls them in the peril of war. I see no calamity, nor any fear of grief or sorrow for them.
यैस्तु भक्त्या स्मृता नूनं तेषां वृद्धिः प्रजायते ।
ये त्वां स्मरन्ति देवेशि रक्षसे तान्न संशयः॥
yaistu bhaktyā smr̥tā nūnaṁ teṣāṁ vr̥ddhiḥ prajāyate . ye tvāṁ smaranti deveśi rakṣase tānna saṁśayaḥ.
Those who remember You with devotion, their prosperity surely increases. O Supreme Devi, there is no doubt that You protect those who remember You.
प्रेतसंस्था तु चामुण्डा वाराही महिषासना ।
ऐन्द्री गजसमारूढा वैष्णवी गरुडासना॥
pretasaṁsthā tu cāmuṇḍā vārāhī mahiṣāsanā . aindrī gajasamārūḍhā vaiṣṇavī garuḍāsanā.
Chamunda rides on corpses, Varahi rides on a buffalo, Aindri is mounted on an elephant, and Vaishnavi is seated on Garuda.
माहेश्वरी वृषारूढा कौमारी शिखिवाहना ।
लक्ष्मीः पद्मासना देवी पद्महस्ता हरिप्रिया॥
māheśvarī vr̥ṣārūḍhā kaumārī śikhivāhanā . lakṣmīḥ padmāsanā devī padmahastā haripriyā.
Maheshwari rides on a bull, Kaumari rides on a peacock, Lakshmi, the beloved of Hari, is seated on a lotus and holds a lotus in her hand.
श्वेतरूपधरा देवी ईश्वरी वृषवाहना ।
ब्राह्मी हंससमारूढा सर्वाभरणभूषिता॥
śvetarūpadharā devī īśvarī vr̥ṣavāhanā . brāhmī haṁsasamārūḍhā sarvābharaṇabhūṣitā.
The Devi Ishwari, of white complexion, rides on a bull. Brahmi, adorned with all ornaments, is seated on a swan.
इत्येता मातरः सर्वाः सर्वयोगसमन्विताः ।
नानाभरणशोभाढ्या नानारत्नोपशोभिताः॥
ityetā mātaraḥ sarvāḥ sarvayogasamanvitāḥ . nānābharaṇaśobhāḍhyā nānāratnopaśobhitāḥ.
All these mothers are endowed with all yogic powers. They are adorned with various ornaments and studded with various gems.
दृश्यन्ते रथमारूढा देव्यः क्रोधसमाकुलाः ।
शङ्खं चक्रं गदां शक्तिं हलं च मुसलायुधम्॥
dr̥śyante rathamārūḍhā devyaḥ krodhasamākulāḥ . śaṅkhaṁ cakraṁ gadāṁ śaktiṁ halaṁ ca musalāyudham.
The devis are seen mounted on chariots, filled with anger. They hold a conch, discus, mace, spear, plough, and club,
खेटकं तोमरं चैव परशुं पाशमेव च ।
कुन्तायुधं त्रिशूलं च शार्ङ्गमायुधमुत्तमम्॥
kheṭakaṁ tomaraṁ caiva paraśuṁ pāśameva ca . kuntāyudhaṁ triśūlaṁ ca śārṅgamāyudhamuttamam.
A shield, javelin, axe, noose, spear, trident, and the excellent bow named Sharnga.
दैत्यानां देहनाशाय भक्तानामभयाय च ।
धारयन्त्यायुधानीत्थं देवानां च हिताय वै॥
daityānāṁ dehanāśāya bhaktānāmabhayāya ca . dhārayantyāyudhānītthaṁ devānāṁ ca hitāya vai.
They hold these weapons for the destruction of the bodies of asuras, for the protection of those who turn to her, and for the welfare of the gods.
नमस्तेऽस्तु महारौद्रे महाघोरपराक्रमे ।
महाबले महोत्साहे महाभयविनाशिनि॥
namaste'stu mahāraudre mahāghoraparākrame . mahābale mahotsāhe mahābhayavināśini.
Salutations to You, O exceedingly fierce one, of terrifying prowess, of great strength, of great enthusiasm, and the destroyer of great fears.
त्राहि मां देवि दुष्प्रेक्ष्ये शत्रूणां भयवर्द्धिनि ।
प्राच्यां रक्षतु मामैन्द्री आग्नेय्यामग्निदेवता॥
trāhi māṁ devi duṣprekṣye śatrūṇāṁ bhayavarddhini . prācyāṁ rakṣatu māmaindrī āgneyyāmagnidevatā.
Protect me, O Devi, who is difficult to look at and who increases the fear of enemies. May Aindri protect me in the east, and the deity of fire in the southeast.
दक्षिणेऽवतु वाराही नैरृत्यां खड्गधारिणी ।
प्रतीच्यां वारुणी रक्षेद्वायव्यां मृगवाहिनी॥
dakṣiṇe'vatu vārāhī nairr̥tyāṁ khaḍgadhāriṇī . pratīcyāṁ vāruṇī rakṣedvāyavyāṁ mr̥gavāhinī.
May Varahi protect me in the south, and the sword-wielding devi in the southwest. May Varuni protect me in the west, and the deer-riding devi in the northwest.
उदीच्यां पातु कौमारी ऐशान्यां शूलधारिणी ।
ऊर्ध्वं ब्रह्माणि मे रक्षेदधस्ताद्वैष्णवी तथा॥
udīcyāṁ pātu kaumārī aiśānyāṁ śūladhāriṇī . ūrdhvaṁ brahmāṇi me rakṣedadhastādvaiṣṇavī tathā.
May Kaumari protect me in the north, and the trident-wielding devi in the northeast. May Brahmani protect me from above, and Vaishnavi from below.
एवं दश दिशो रक्षेच्चामुण्डा शववाहना ।
जया मे चाग्रतः पातु विजया पातु पृष्ठतः॥
evaṁ daśa diśo rakṣeccāmuṇḍā śavavāhanā . jayā me cāgrataḥ pātu vijayā pātu pr̥ṣṭhataḥ.
Thus may Chamunda, who rides on a corpse, protect the ten directions. May Jaya protect me in the front, and Vijaya protect me in the back.
अजिता वामपार्श्वे तु दक्षिणे चापराजिता ।
शिखामुद्योतिनी रक्षेदुमा मूर्ध्नि व्यवस्थिता॥
ajitā vāmapārśve tu dakṣiṇe cāparājitā | śikhāṃ me dyotinī rakṣedumā mūrdhni vyavasthitā || 21 || [udyotinī]
May Ajita protect my left side and Aparajita my right. May Dyotini protect my hair and Uma sit on my head and protect it.
मालाधरी ललाटे च भ्रुवौ रक्षेद्यशस्विनी ।
त्रिनेत्रा च भ्रुवोर्मध्ये यमघण्टा च नासिके॥
mālādharī lalāṭe ca bhruvau rakṣedyaśasvinī | trinetrā ca bhruvormadhye yamaghaṇṭā ca nāsike || 22 ||
May Maladhari protect my forehead and Yashasvini my eyebrows. May Trinetra protect the space between my eyebrows and Yamaghanta my nose.
शङ्खिनी चक्षुषोर्मध्ये श्रोत्रयोर्द्वारवासिनी ।
कपोलौ कालिका रक्षेत् कर्णमूले तु शाङ्करी॥
śaṅkhinī cakṣuṣormadhye śrotrayordvāravāsinī | kapolau kālikā rakṣet karṇamūle tu śāṅkarī || 23 ||
May Shankhini protect the space between my eyes and Dvaravasini my ears. May Kalika protect my cheeks and Shankari the roots of my ears.
नासिकायां सुगन्धा च उत्तरोष्ठे च चर्चिका ।
अधरे चामृताकला जिह्वायां च सरस्वती॥
nāsikāyāṃ sugandhā ca uttaroṣṭhe ca carcikā | adhare cāmṛtākalā jihvāyāṃ ca sarasvatī || 24 ||
May Sugandha protect my nose and Charchika my upper lip. May Amritakala protect my lower lip and Sarasvati my tongue.
दन्तान् रक्षतु कौमारी कण्ठमध्ये तु चण्डिका ।
घण्टिकां चित्रघण्टा च महामाया च तालुके॥
dantān rakṣatu kaumārī kaṇṭhamadhye tu caṇḍikā | ghaṇṭikāṃ citraghaṇṭā ca mahāmāyā ca tāluke || 25 ||
May Kaumari protect my teeth and Chandika the middle of my throat. May Chitraghanta protect my uvula and Mahamaya my palate.
कामाक्षी चिबुकं रक्षेद्वाचं मे सर्वमङ्गला ।
ग्रीवायां भद्रकाली च पृष्ठवंशे धनुर्धरी॥
kāmākṣī cibukaṃ rakṣedvācaṃ me sarvamaṅgalā | grīvāyāṃ bhadrakālī ca pṛṣṭhavaṃśe dhanurdharī || 26 ||
May Kamakshi protect my chin and Sarvamangala my speech. May Bhadrakali protect my neck and Dhanurdhari my spine.
नीलग्रीवा बहिःकण्ठे नलिकां नलकूबरी ।
स्कन्धयोः खड्गिनी रक्षेद्बाहू मे वज्रधारिणी॥
nīlagrīvā bahiḥkaṇṭhe nalikāṃ nalakūbarī | skandhayoḥ khaḍginī rakṣedbāhū me vajradhāriṇī || 27 ||
May Nilagriva protect the outer part of my throat and Nalakubari my windpipe. May Khadgini protect my shoulders and Vajradharini my arms.
हस्तयोर्दण्डिनी रक्षेदम्बिका चाङ्गुलीषु च ।
नखाञ्छूलेश्वरी रक्षेत् कुक्षौ रक्षेत्कुलेश्वरी॥
hastayordaṇḍinī rakṣedambikā cāṅgulīṣu ca | nakhāñchūleśvarī rakṣet kukṣau rakṣennareśvarī || 28 || [kuleśvarī]
May Dandini protect both my hands and Ambika my fingers. May Shuleshvari protect my nails and Nareshvari my abdomen.
स्तनौ रक्षेन्महादेवी मनः शोकविनाशिनी ।
हृदयं ललिता देवी उदरे शूलधारिणी॥
stanau rakṣenmahādevī manaḥ śokavināśinī | hṛdayaṃ lalitā devī udare śūladhāriṇī || 29 ||
May Mahadevi protect my breasts and Shokavinashini my mind. May Lalita Devi protect my heart and Shuladharini my stomach.
नाभौ च कामिनी रक्षेद्गुह्यं गुह्येश्वरी तथा ।
भूतनाथा च मेढ्रं मे गुदे महिषवाहिनी॥
nābhau ca kāminī rakṣedguhyaṃ guhyeśvarī tathā | bhūtanāthā ca meḍhraṃ me ūrū mahiṣavāhinī || 30 || [gude]
May Kamini protect my navel and Guhyeshvari my hidden parts. May Bhutanatha protect my reproductive organs and Mahishavahini my thighs.
कट्यां भगवती रक्षेज्जानुनी विन्ध्यवासिनी ।
जङ्घे महाबला प्रोक्ता सर्वकामप्रदायिनी॥
kaṭyāṃ bhagavatī rakṣejjānunī vindhyavāsinī | jaṅghe mahābalā proktā sarvakāmapradāyinī || 31 ||
May Bhagavati protect my waist and Vindhyavasini my knees. May Mahabala, the granter of all desires, protect my calves.
गुल्फयोर्नारसिंही च पादपृष्ठामितौजसी ।
पादाङ्गुलीषु श्रीरक्षेत् पादाधःस्थलवासिनी॥
gulphayornārasiṃhī ca pādapṛṣṭhāmitaujasī | pādāṅgulīṣu śrīrakṣet pādādhaḥsthalavāsinī || 32 ||
May Narasimhi protect my ankles and Amitaujasi the back of my feet. May Shri protect my toes and Padadhasthalavasini the soles of my feet.
नखान् दंष्ट्रा कराली च केशांश्चैवोर्ध्वकेशिनी ।
रोमकूपेषु कौबेरी त्वचं वागीश्वरी तथा॥
nakhān daṃṣṭrā karālī ca keśāṃścaivordhvakeśinī | romakūpeṣu kauberī tvacaṃ vāgīśvarī tathā || 33 ||
May Damshtrakarali protect my toenails and Urdhvakeshini my hair. May Kauberi protect the pores of my skin and Vagishvari my skin.
रक्तमज्जावसामांसान्यस्थिमेदांसि पार्वती ।
अन्त्राणि कालरात्रिश्च पित्तं च मुकुटेश्वरी॥
raktamajjāvasāmāṃsānyasthimedāṃsi pārvatī | antrāṇi kālarātriśca pittaṃ ca mukuṭeśvarī || 34 ||
May Parvati protect my blood, marrow, fat, flesh, bones, and lymph. May Kalaratri protect my intestines and Mukuteshvari my bile.
पद्मावती पद्मकोशे कफे चूडामणिस्तथा ।
ज्वालामुखी नखज्वालामभेद्या सर्वसन्धिषु॥
padmāvatī padmakośe kaphe cūḍāmaṇistathā | jvālāmukhī nakhajvālāmabhedyā sarvasandhiṣu || 35 ||
May Padmavati protect the lotuses (chakras) and Chudamani the phlegm. May Jvalamukhi protect the luster of my nails and Abhedya all my joints.
शुक्रं ब्रह्माणि मे रक्षेच्छायां छत्रेश्वरी तथा ।
अहङ्कारं मनो बुद्धिं रक्षेन्मे धर्मधारिणी॥
śukraṃ brahmāṇi me rakṣecchāyāṃ chatreśvarī tathā | ahaṅkāraṃ mano buddhiṃ rakṣenme dharmadhāriṇī || 36 ||
May Brahmani protect my semen and Chatreshvari my shadow. May Dharmadharini protect my ego, mind, and intellect.
प्राणापानौ तथा व्यानमुदानं च समानकम् ।
वज्रहस्ता च मे रक्षेत्प्राणं कल्याणशोभना॥
prāṇāpānau tathā vyānamudānaṃ ca samānakam | vajrahastā ca me rakṣetprāṇaṃ kalyāṇaśobhanā || 37 ||
May Vajrahasta protect the five vital airs: prana, apana, vyana, udana, and samana. May Kalyana Shobhana protect my life force.
रसे रूपे च गन्धे च शब्दे स्पर्शे च योगिनी ।
सत्त्वं रजस्तमश्चैव रक्षेन्नारायणी सदा॥
rase rūpe ca gandhe ca śabde sparśe ca yoginī | sattvaṃ rajastamaścaiva rakṣennārāyaṇī sadā || 38 ||
May Yogini protect the senses of taste, sight, smell, sound, and touch. May Narayani always protect the qualities of sattva, rajas, and tamas.
आयू रक्षतु वाराही धर्मं रक्षतु वैष्णवी ।
यशः कीर्तिं च लक्ष्मीं च धनं विद्यां च चक्रिणी॥
āyū rakṣatu vārāhī dharmaṃ rakṣatu vaiṣṇavī | yaśaḥ kīrtiṃ ca lakṣmīṃ ca dhanaṃ vidyāṃ ca cakriṇī || 39 ||
May Varahi protect my life and Vaishnavi my dharma. May Chakrini protect my fame, reputation, wealth, and knowledge.
गोत्रमिन्द्राणि मे रक्षेत्पशून्मे रक्ष चण्डिके ।
पुत्रान् रक्षेन्महालक्ष्मीर्भार्यां रक्षतु भैरवी॥
gotramindrāṇi me rakṣetpaśūnme rakṣa caṇḍike | putrān rakṣenmahālakṣmīrbhāryāṃ rakṣatu bhairavī || 40 ||
May Indrani protect my lineage and Chandika my cattle. May Mahalakshmi protect my children and Bhairavi my wife.
धनेश्वरी धनं रक्षेत् कौमारी कन्यकां तथा ।
पन्थानं सुपथा रक्षेन्मार्गं क्षेमङ्करी तथा॥
dhaneśvarī dhanaṃ rakṣet kaumārī kanyakāṃ tathā | panthānaṃ supathā rakṣenmārgaṃ kṣemaṅkarī tathā || 43 ||
Let Dhaneshwari protect the wealth, and Kumari protect the daughter. Let Supatha protect the journey, and Kshemankari protect the way.
राजद्वारे महालक्ष्मीर्विजया सतत स्थिता ।
रक्षाहीनं तु यत् स्थानं वर्जितं कवचेन तु॥
rājadvāre mahālakṣmīrvijayā satata sthitā | rakṣāhīnaṃ tu yat sthānaṃ varjitaṃ kavacena tu || 44 ||
At the king's gate, let Mahalakshmi and Vijaya always stand. And whatever place is left unprotected by this armour,
तत्सर्वं रक्ष मे देवि जयन्ती पापनाशिनी ।
सर्वरक्षाकरं पुण्यं कवचं सर्वदा जपेत्॥
tatsarvaṃ rakṣa me devi jayantī pāpanāśinī | sarvarakṣākaraṃ puṇyaṃ kavacaṃ sarvadā japet || 45 ||
O Devi Jayanti, destroyer of sins, protect all of that. One should always recite this armour which provides all-round protection.
इदं रहस्यं विप्रर्षे भक्त्या तव मयोदितम् ।
पादमेकं न गच्छेत् तु यदीच्छेच्छुभमात्मनः॥
idaṃ rahasyaṃ viprarṣe bhaktyā tava mayoditam | pādamekaṃ na gacchet tu yadīcchecchubhamātmanaḥ || 46 ||
O noble sage, this secret has been told to you with devotion. One who desires his own welfare should not take even a single step without it.
कवचेनावृतो नित्यं यत्र यत्रैव गच्छति ।
तत्र तत्रार्थलाभश्व विजयः सार्वकालिकः॥
kavacenāvṛto nityaṃ yatra yatraiva gacchati | tatra tatrārthalābhaśva vijayaḥ sārvakālikaḥ || 47 ||
Wherever one goes, constantly covered by this armour, there one gains wealth and eternal victory.
यं यं चिन्तयते कामं तं तं प्राप्नोति निश्चितम् ।
परमैश्वर्यमतुलं प्राप्स्यते भूतले पुमान्॥
yaṃ yaṃ cintayate kāmaṃ taṃ taṃ prāpnoti niścitam | paramaiśvaryamatulaṃ prāpsyate bhūtale pumān || 48 ||
Whatever desire one thinks of, one certainly attains it. That person will attain incomparable supreme wealth on earth.
निर्भयो जायते मर्त्यः सङ्ग्रामेष्वपराजितः ।
त्रैलोक्ये तु भवेत्पूज्यः कवचेनावृतः पुमान्॥
nirbhayo jāyate martyaḥ saṅgrāmeṣvaparājitaḥ | trailokye tu bhavetpūjyaḥ kavacenāvṛtaḥ pumān || 49 ||
The mortal becomes fearless and undefeated in battles. A person covered by this armour becomes honoured in the three worlds.
इदं तु देव्याः कवचं देवानामपि दुर्लभम् ।
यः पठेत्प्रयतो नित्यं त्रिसन्ध्यं श्रद्धयान्वितः॥
idaṃ tu devyāḥ kavacaṃ devānāmapi durlabham | yaḥ paṭhetprayato nityaṃ trisandhyaṃ śraddhayānvitaḥ || 50 ||
This armour of the Devi is difficult even for the gods to attain. He who recites it daily with devotion during the three twilights,
दैवीकला भवेत्तस्य त्रैलोक्ये चापराजितः ।
जीवेद्वर्षशतं साग्रमपमृत्युविवर्जितः॥
daivīkalā bhavettasya trailokye cāparājitaḥ | jīvedvarṣaśataṃ sāgramapamṛtyuvivarjitaḥ || 51 ||
attains divine arts and remains undefeated in the three worlds. He lives for a full hundred years, free from untimely death.
नश्यन्ति व्याधयः सर्वे लूताविस्फोटकादयः ।
स्थावरं जङ्गमं चैव कृत्रिमं चैव यद्विषम्॥
naśyanti vyādhayaḥ sarve lūtāvisphoṭakādayaḥ | sthāvaraṃ jaṅgamaṃ caiva kṛtrimaṃ caiva yadviṣam || 52 ||
All diseases, such as skin diseases and boils, are destroyed. All poisons, whether from immovable objects, moving creatures, or artificial sources,
अभिचाराणि सर्वाणि मन्त्रयन्त्राणि भूतले ।
भूचराः खेचराश्चैव कुलजाश्चौपदेशिकाः॥
abhicārāṇi sarvāṇi mantrayantrāṇi bhūtale | bhūcarāḥ khecarāścaiva kulajāścaupadeśikāḥ || 53 ||
all black magic, mantras, and yantras on earth, as well as beings moving on earth or in the sky, those born of lineage or created by instructions,
सहजा कुलजा माला डाकिनी शाकिनी तथा ।
अन्तरिक्षचरा घोरा डाकिन्यश्च महारवाः॥
sahajā kulajā mālā ḍākinī śākinī tathā | antarikṣacarā ghorā ḍākinyaśca mahāravāḥ || 54 ||
naturally born, born of lineage, Dakinis, Shakinis, and terrible Dakinis roaming in the space making loud noises,
ग्रहभूतपिशाचाश्च यक्षगन्धर्वराक्षसाः ।
ब्रह्मराक्षसवेतालाः कूष्माण्डा भैरवादयः॥
grahabhūtapiśācāśca yakṣagandharvarākṣasāḥ | brahmarākṣasavetālāḥ kūṣmāṇḍā bhairavādayaḥ || 55 ||
evil planets, ghosts, vampires, Yakshas, Gandharvas, Rakshasas, Brahmarakshasas, Vetalas, Kushmandas, and Bhairavas,
नश्यन्ति दर्शनात्तस्य कवचेनावृतो हि यः ।
मानोन्नतिर्भवेद्राज्ञस्तेजोवृद्धिः परा भवेत्॥
naśyanti darśanāttasya kavacenāvṛto hi yaḥ | mānonnatirbhavedrājñastejovṛddhiḥ parā bhavet || 56 ||
all perish just by the sight of the one covered by this armour. He gains honour from the king and his radiance increases supremely.
यशोवृद्धिर्भवेत् पुंसां कीर्तिवृद्धिश्च जायते ।
तस्मात् जपेत् सदा भक्तः कवचं कामदं मुने॥
yaśovṛddhirbhavet puṃsāṃ kīrtivṛddhiśca jāyate | tasmāt japet sadā bhaktaḥ kavacaṃ kāmadaṃ mune || 57 ||
His fame and glory multiply. Therefore, O sage, one should always recite this wish-fulfilling armour.
जपेत् सप्तशतीं चण्डीं कृत्वा तु कवचं पुरा ।
निर्विघ्नेन भवेत् सिद्धिश्चण्डीजपसमुद्भवा॥
japet saptaśatīṃ caṇḍīṃ kṛtvā tu kavacaṃ purā | nirvighnena bhavet siddhiścaṇḍījapasamudbhavā || 58 ||
One should recite the Chandi Saptashati only after first reciting this armour. Then the success arising from the Chandi japa is achieved without obstacles.
यावद्भूमण्डलं धत्ते सशैलवनकाननम् ।
तावत्तिष्ठति मेदिन्यां सन्ततिः पुत्रपौत्रिकी॥
yāvadbhūmaṇḍalaṃ dhatte saśailavanakānanam | tāvattiṣṭhati medinyāṃ santatiḥ putrapautrikī || 59 ||
As long as the earth holds mountains and forests, so long will his lineage of sons and grandsons remain on earth.
देहान्ते परमं स्थानं सुरैरपि सुदुर्लभम् ।
प्राप्नोति पुरुषो नित्यं महामायाप्रसादतः॥
dehānte paramaṃ sthānaṃ surairapi sudurlabham | prāpnoti puruṣo nityaṃ mahāmāyāprasādataḥ || 60 ||
At the end of life, by the grace of Mahamaya, he eternally attains the supreme state which is very difficult even for the gods to reach.
तत्र गच्छति गत्वासौ पुनश्चागमनं नहि ।
लभते परमं स्थानं शिवेन समतां व्रजेत्॥
tatra gacchati gatvāsau punaścāgamanaṃ nahi । labhate paramaṃ sthānaṃ śivena samatāṃ vrajet ॥ 61 ॥
He will go there, and having gone shall surely not return. He will attain the supreme state and with the Absolute will merge.