जय देव जगन्नाथ जय शङ्कर शाश्वत ।
jaya deva jagannātha jaya śaṅkara śāśvata .
Victory to you, O Dev, lord of the world; victory to you, Shankar, the eternal;
जय सर्वसुराध्यक्ष जय सर्वसुरार्चित ॥
jaya sarvasurādhyakṣa jaya sarvasurārcita .
victory to you, head of all the Devas; victory to you, to whom every Deva offers puja.
जय सर्वगुणातीत जय सर्ववरप्रद ।
jaya sarvaguṇātīta jaya sarvavaraprada .
Victory to you, beyond every quality; victory to you, giver of every boon;
जय नित्य निराधार जय विश्वम्भराव्यय ॥
jaya nitya nirādhāra jaya viśvambharāvyaya .
victory to you, eternal, resting on nothing; victory to you, who hold up the world and never wane.
जय विश्वैकवेद्येश जय नागेन्द्रभूषण ।
jaya viśvaikavedyeśa jaya nāgendrabhūṣaṇa .
Victory to you, the one to be known in all the world; victory to you, who wear the king of serpents;
जय गौरीपते शम्भो जय चन्द्रार्धशेखर ॥
jaya gaurīpate śambho jaya candrārdhaśekhara .
victory to you, Shambhu, husband of Gauri; victory to you, with the half moon in your hair.
जय कोट्यर्कसङ्काश जयानन्तगुणाश्रय ।
jaya koṭyarkasaṅkāśa jayānantaguṇāśraya .
Victory to you, bright as ten million suns; victory to you, home of endless good;
जय रुद्र विरूपाक्ष जयाचिन्त्य निरञ्जन ॥
jaya rudra virūpākṣa jayācintya nirañjana .
victory to you, Rudra of the three eyes; victory to you, beyond thought, without stain.
जय नाथ कृपासिन्धो जय भक्तार्तिभञ्जन ।
jaya nātha kr̥pāsindho jaya bhaktārtibhañjana .
Victory to you, O Nath, ocean of mercy; victory to you, who break the pain of those who turn to you;
जय दुस्तरसंसारसागरोत्तारण प्रभो ॥
jaya dustarasaṁsārasāgarottāraṇa prabho .
victory to you, Prabhu, who carry us over the sea of this world that cannot be crossed.
प्रसीद मे महादेव संसारार्तस्य खिद्यतः ।
prasīda me mahādeva saṁsārārtasya khidyataḥ .
Be pleased with me, Mahadev: I am worn and weary with this world.
सर्वपापभयं हृत्वा रक्ष मां परमेश्वर ॥
sarvapāpabhayaṁ hr̥tvā rakṣa māṁ parameśvara .
Take away all the fear my wrongs have brought, and protect me, Parameshwar.
महादारिद्र्यमग्नस्य महापापहतस्य च ।
mahādāridryamagnasya mahāpāpahatasya ca .
I am sunk in deep poverty and struck by great wrongs,
महाशोकविनष्टस्य महारोगातुरस्य च ॥
mahāśokavinaṣṭasya mahārogāturasya ca .
undone by great grief and sick with great illness,
ऋणभारपरीतस्य दह्यमानस्य कर्मभिः ।
r̥ṇabhāraparītasya dahyamānasya karmabhiḥ .
weighed down by debt and burned by what I have done,
ग्रहैः प्रपीड्यमानस्य प्रसीद मम शङ्कर ॥
grahaiḥ prapīḍyamānasya prasīda mama śaṅkara .
pressed hard by the planets — be pleased with me, Shankar.
दरिद्रः प्रार्थयेदेवं पूजान्ते गिरिजापतिम् ।
daridraḥ prārthayedevaṁ pūjānte girijāpatim .
So, at the end of the puja, let the poor pray to the husband of Girija;
अर्थाढ्यो वापि राजा वा प्रार्थयेद्देवमीश्वरम् ॥
arthāḍhyo vāpi rājā vā prārthayeddevamīśvaram .
and let the rich man, or even a king, pray to the Dev, the Ishwar.
दीर्घमायुः सदारोग्यं कोशवृद्धिर्बलोन्नतिः ।
dīrghamāyuḥ sadārogyaṁ kośavr̥ddhirbalonnatiḥ .
"Long life, health always, a growing store, rising strength —
ममास्तु नित्यमानन्दः प्रसादात्तव शङ्कर ॥
mamāstu nityamānandaḥ prasādāttava śaṅkara .
and joy always, may these be mine by your grace, Shankar.
शत्रवः संक्षयं यान्तु प्रसीदन्तु मम ग्रहाः ।
śatravaḥ saṁkṣayaṁ yāntu prasīdantu mama grahāḥ .
May my enemies come to nothing, and may the grahas be kind to me;
नश्यन्तु दस्यवो राष्ट्रे जनाः सन्तु निरापदः ॥
naśyantu dasyavo rāṣṭre janāḥ santu nirāpadaḥ .
may the robbers in the land be gone, and may the people be free of harm.
दुर्भिक्षमारीसन्तापाः शमं यान्तु महीतले ।
durbhikṣamārīsantāpāḥ śamaṁ yāntu mahītale .
May famine, plague and suffering be stilled on the earth;
सर्वसस्यसमृद्धिश्च भूयात्सुखमया दिशः ॥
sarvasasyasamr̥ddhiśca bhūyātsukhamayā diśaḥ .
may every crop be plentiful, and every direction full of ease."
एवमाराधयेद्देवं प्रदोषे गिरिजापतिम् ।
evamārādhayeddevaṁ pradoṣe girijāpatim .
So let one worship the Dev, the husband of Girija, at pradosh;
ब्राह्मणान्भोजयेत्पश्चाद्दक्षिणाभिश्च तोषयेत् ॥
brāhmaṇānbhojayetpaścāddakṣiṇābhiśca toṣayet .
then feed brahmins, and please them with dakshina.
सर्वपापक्षयकरी सर्वदारिद्र्यनाशिनी ।
sarvapāpakṣayakarī sarvadāridryanāśinī .
It wipes away every sin and ends every kind of poverty —
शिवपूजा मयाख्याता सर्वाभीष्टवरप्रदा ॥
śivapūjā mayākhyātā sarvābhīṣṭavarapradā .
this is the puja of Shiv ji I have told you, which grants every wish.