अर्चितानाममूर्तानां पितॄणां दीप्ततेजसाम्।
arcitānāmamūrtānāṁ pitr̥̄ṇāṁ dīptatejasām.
To the pitars — honoured, without form, blazing with light —
नमस्यामि सदा तेषां ध्यानिनां दिव्यचक्षुषाम्॥
namasyāmi sadā teṣāṁ dhyānināṁ divyacakṣuṣām.
I bow always, to them held in dhyan, whose eyes see beyond this world.
इन्द्रादीनां च नेतारो दक्षमारीचयोस्तथा।
indrādīnāṁ ca netāro dakṣamārīcayostathā.
Those who lead Indra and the others, Daksha and Marichi,
सप्तर्षीणां तथान्येषां तान्नमस्यामि कामदान्॥
saptarṣīṇāṁ tathānyeṣāṁ tānnamasyāmi kāmadān.
the seven rishis and others besides — to them, the givers of what is wished for, I bow.
मन्वादीनां च नेतारः सूर्याचन्द्रमसोस्तथा।
manvādīnāṁ ca netāraḥ sūryācandramasostathā.
Those who lead Manu and the others, the Sun and the Moon —
तान्नमस्याम्यहं सर्वान् पितॄनप्युदधावपि॥
tānnamasyāmyahaṁ sarvān pitr̥̄napyudadhāvapi.
to all those pitars I bow, and to the pitars in the ocean too.
नक्षत्राणां ग्रहाणां च वाय्वग्न्योर्नभसस्तथा।
nakṣatrāṇāṁ grahāṇāṁ ca vāyvagnyornabhasastathā.
Those of the stars and the planets, of wind and fire and the sky,
द्यावापृथिव्योश्च तथा नमस्यामि कृताञ्जलिः॥
dyāvāpr̥thivyośca tathā namasyāmi kr̥tāñjaliḥ.
of heaven and earth — to them I bow with joined palms.
देवर्षीणां जनितॄंश्च सर्वलोकनमस्कृतान्।
devarṣīṇāṁ janitr̥̄ṁśca sarvalokanamaskr̥tān.
The fathers of the devarshis, honoured by every world,
अक्षय्यस्य सदा दातॄन् नमस्येऽहं कृताञ्जलिः॥
akṣayyasya sadā dātr̥̄n namasye'haṁ kr̥tāñjaliḥ.
who always give what never runs out — to them I bow with joined palms.
प्रजापतेः कश्यपाय सोमाय वरुणाय च।
prajāpateḥ kaśyapāya somāya varuṇāya ca.
To Prajapati, to Kashyapa, to Soma and to Varuna,
योगेश्वरेभ्यश्च सदा नमस्यामि कृताञ्जलिः॥
yogeśvarebhyaśca sadā namasyāmi kr̥tāñjaliḥ.
and to the masters of yoga, always, I bow with joined palms.
नमो गणेभ्यः सप्तभ्यस्तथा लोकेषु सप्तसु।
namo gaṇebhyaḥ saptabhyastathā lokeṣu saptasu.
Salutations to the seven hosts of pitars in the seven worlds;
स्वयम्भुवे नमस्यामि ब्रह्मणे योगचक्षुषे॥
svayambhuve namasyāmi brahmaṇe yogacakṣuṣe.
I bow to self-born Brahma, whose eye is yoga.
सोमाधारान् पितृगणान् योगमूर्तिधरांस्तथा।
somādhārān pitr̥gaṇān yogamūrtidharāṁstathā.
To the hosts of pitars who rest on Soma, who take the form of yoga,
नमस्यामि तथा सोमं पितरं जगतामहम्॥
namasyāmi tathā somaṁ pitaraṁ jagatāmaham.
I bow; and to Soma, the father of the worlds.
अग्निरूपांस्तथैवान्यान् नमस्यामि पितॄनहम्।
agnirūpāṁstathaivānyān namasyāmi pitr̥̄naham.
I bow as well to the other pitars, whose form is fire,
अग्निसोममयं विश्वं यत एतदशेषतः॥
agnisomamayaṁ viśvaṁ yata etadaśeṣataḥ.
for this whole world, all of it, is made of fire and Soma.
ये च तेजसि ये चैते सोमसूर्याग्निमूर्तयः।
ye ca tejasi ye caite somasūryāgnimūrtayaḥ.
Those who dwell in light, whose forms are the Moon, the Sun and fire,
जगत्स्वरूपिणश्चैव तथा ब्रह्मस्वरूपिणः॥
jagatsvarūpiṇaścaiva tathā brahmasvarūpiṇaḥ.
who are the world itself, and who are Brahman itself —
तेभ्योऽखिलेभ्यो योगिभ्यः पितृभ्यो यतमानसः।
tebhyo'khilebhyo yogibhyaḥ pitr̥bhyo yatamānasaḥ.
to all of them, the yogis, the pitars, with a mind held still:
नमो नमो नमस्तेऽस्तु प्रसीदन्तु स्वधाभुजः॥
namo namo namaste'stu prasīdantu svadhābhujaḥ.
salutations, salutations, salutations; may they who take svadha be pleased.