अर्चितानाममूर्तानां पितॄणां दीप्ततेजसाम्।
arcitānāmamūrtānāṁ pitr̥̄ṇāṁ dīptatejasām.
पितरों को — जो पूजित हैं, अमूर्त हैं, दीप्त तेज वाले हैं —
नमस्यामि सदा तेषां ध्यानिनां दिव्यचक्षुषाम्॥
namasyāmi sadā teṣāṁ dhyānināṁ divyacakṣuṣām.
उन ध्यानमग्न, दिव्य दृष्टि वालों को सदा नमस्कार।
इन्द्रादीनां च नेतारो दक्षमारीचयोस्तथा।
indrādīnāṁ ca netāro dakṣamārīcayostathā.
जो इंद्र आदि के, दक्ष और मरीचि के नायक हैं,
सप्तर्षीणां तथान्येषां तान्नमस्यामि कामदान्॥
saptarṣīṇāṁ tathānyeṣāṁ tānnamasyāmi kāmadān.
सप्तर्षियों के और अन्य सबके — उन मनोकामना देने वालों को नमस्कार।
मन्वादीनां च नेतारः सूर्याचन्द्रमसोस्तथा।
manvādīnāṁ ca netāraḥ sūryācandramasostathā.
जो मनु आदि के, सूर्य और चंद्रमा के नायक हैं —
तान्नमस्याम्यहं सर्वान् पितॄनप्युदधावपि॥
tānnamasyāmyahaṁ sarvān pitr̥̄napyudadhāvapi.
उन सब पितरों को नमस्कार, और समुद्र में रहने वाले पितरों को भी।
नक्षत्राणां ग्रहाणां च वाय्वग्न्योर्नभसस्तथा।
nakṣatrāṇāṁ grahāṇāṁ ca vāyvagnyornabhasastathā.
नक्षत्रों और ग्रहों के, वायु, अग्नि और आकाश के,
द्यावापृथिव्योश्च तथा नमस्यामि कृताञ्जलिः॥
dyāvāpr̥thivyośca tathā namasyāmi kr̥tāñjaliḥ.
द्युलोक और पृथ्वी के — उन्हें हाथ जोड़कर नमस्कार।
देवर्षीणां जनितॄंश्च सर्वलोकनमस्कृतान्।
devarṣīṇāṁ janitr̥̄ṁśca sarvalokanamaskr̥tān.
देवर्षियों के जनक, जिन्हें सब लोक नमन करते हैं,
अक्षय्यस्य सदा दातॄन् नमस्येऽहं कृताञ्जलिः॥
akṣayyasya sadā dātr̥̄n namasye'haṁ kr̥tāñjaliḥ.
जो सदा अक्षय का दान देते हैं — उन्हें हाथ जोड़कर नमस्कार।
प्रजापतेः कश्यपाय सोमाय वरुणाय च।
prajāpateḥ kaśyapāya somāya varuṇāya ca.
प्रजापति को, कश्यप को, सोम को और वरुण को,
योगेश्वरेभ्यश्च सदा नमस्यामि कृताञ्जलिः॥
yogeśvarebhyaśca sadā namasyāmi kr̥tāñjaliḥ.
और योगेश्वरों को सदा हाथ जोड़कर नमस्कार।
नमो गणेभ्यः सप्तभ्यस्तथा लोकेषु सप्तसु।
namo gaṇebhyaḥ saptabhyastathā lokeṣu saptasu.
सातों लोकों में पितरों के सातों गणों को नमस्कार;
स्वयम्भुवे नमस्यामि ब्रह्मणे योगचक्षुषे॥
svayambhuve namasyāmi brahmaṇe yogacakṣuṣe.
स्वयंभू ब्रह्मा को, जिनकी दृष्टि योग है, नमस्कार।
सोमाधारान् पितृगणान् योगमूर्तिधरांस्तथा।
somādhārān pitr̥gaṇān yogamūrtidharāṁstathā.
सोम पर आश्रित, योग का रूप धारण करने वाले पितृगणों को,
नमस्यामि तथा सोमं पितरं जगतामहम्॥
namasyāmi tathā somaṁ pitaraṁ jagatāmaham.
नमस्कार; और जगत के पिता सोम को भी।
अग्निरूपांस्तथैवान्यान् नमस्यामि पितॄनहम्।
agnirūpāṁstathaivānyān namasyāmi pitr̥̄naham.
अग्नि रूप वाले अन्य पितरों को भी नमस्कार,
अग्निसोममयं विश्वं यत एतदशेषतः॥
agnisomamayaṁ viśvaṁ yata etadaśeṣataḥ.
क्योंकि यह सारा जगत, पूरा का पूरा, अग्नि और सोम से बना है।
ये च तेजसि ये चैते सोमसूर्याग्निमूर्तयः।
ye ca tejasi ye caite somasūryāgnimūrtayaḥ.
जो तेज में हैं, जिनके रूप चंद्रमा, सूर्य और अग्नि हैं,
जगत्स्वरूपिणश्चैव तथा ब्रह्मस्वरूपिणः॥
jagatsvarūpiṇaścaiva tathā brahmasvarūpiṇaḥ.
जो जगत का ही रूप हैं, और ब्रह्म का ही रूप हैं —
तेभ्योऽखिलेभ्यो योगिभ्यः पितृभ्यो यतमानसः।
tebhyo'khilebhyo yogibhyaḥ pitr̥bhyo yatamānasaḥ.
उन सभी योगी पितरों को, एकाग्र मन से:
नमो नमो नमस्तेऽस्तु प्रसीदन्तु स्वधाभुजः॥
namo namo namaste'stu prasīdantu svadhābhujaḥ.
नमस्कार, नमस्कार, नमस्कार; स्वधा ग्रहण करने वाले प्रसन्न हों।