ब्रह्ममुरारिसुरार्चितलिङ्गं निर्मलभासितशोभितलिङ्गम् ।
brahmamurārisurārcitaliṅgaṁ nirmalabhāsitaśobhitaliṅgam .
The linga honoured by Brahma, by Vishnu and by the devas; the linga that shines pure and lovely;
जन्मजदुःखविनाशकलिङ्गं तत् प्रणमामि सदाशिवलिङ्गम् ॥
janmajaduḥkhavināśakaliṅgaṁ tat praṇamāmi sadāśivaliṅgam .
the linga that ends the sorrow born of birth — to that Sadashiva linga I bow.
देवमुनिप्रवरार्चितलिङ्गं कामदहं करुणाकरलिङ्गम् ।
devamunipravarārcitaliṅgaṁ kāmadahaṁ karuṇākaraliṅgam .
The linga honoured by the devas and the best of sages; the linga that burnt Kama, a treasury of compassion;
रावणदर्पविनाशनलिङ्गं तत् प्रणमामि सदाशिवलिङ्गम् ॥
rāvaṇadarpavināśanaliṅgaṁ tat praṇamāmi sadāśivaliṅgam .
the linga that humbled Ravana's pride — to that Sadashiva linga I bow.
सर्वसुगन्धिसुलेपितलिङ्गं बुद्धिविवर्धनकारणलिङ्गम् ।
sarvasugandhisulepitaliṅgaṁ buddhivivardhanakāraṇaliṅgam .
The linga anointed with every fragrance; the linga that makes the mind grow wise;
सिद्धसुरासुरवन्दितलिङ्गं तत् प्रणमामि सदाशिवलिङ्गम् ॥
siddhasurāsuravanditaliṅgaṁ tat praṇamāmi sadāśivaliṅgam .
the linga bowed to by siddhas, devas and asuras — to that Sadashiva linga I bow.
कनकमहामणिभूषितलिङ्गं फणिपतिवेष्टितशोभितलिङ्गम् ।
kanakamahāmaṇibhūṣitaliṅgaṁ phaṇipativeṣṭitaśobhitaliṅgam .
The linga adorned with gold and great jewels; the linga lovely with the king of serpents coiled about it;
दक्षसुयज्ञविनाशनलिङ्गं तत् प्रणमामि सदाशिवलिङ्गम् ॥
dakṣasuyajñavināśanaliṅgaṁ tat praṇamāmi sadāśivaliṅgam .
the linga that undid Daksha's great yagya — to that Sadashiva linga I bow.
कुङ्कुमचन्दनलेपितलिङ्गं पङ्कजहारसुशोभितलिङ्गम् ।
kuṅkumacandanalepitaliṅgaṁ paṅkajahārasuśobhitaliṅgam .
The linga anointed with kumkum and chandan; the linga lovely with a garland of lotuses;
सञ्चितपापविनाशनलिङ्गं तत् प्रणमामि सदाशिवलिङ्गम् ॥
sañcitapāpavināśanaliṅgaṁ tat praṇamāmi sadāśivaliṅgam .
the linga that destroys the wrongs gathered over lifetimes — to that Sadashiva linga I bow.
देवगणार्चितसेवितलिङ्गं भावैर्भक्तिभिरेव च लिङ्गम् ।
devagaṇārcitasevitaliṅgaṁ bhāvairbhaktibhireva ca liṅgam .
The linga honoured and served by the hosts of devas, with feeling and with bhakti;
दिनकरकोटिप्रभाकरलिङ्गं तत् प्रणमामि सदाशिवलिङ्गम् ॥
dinakarakoṭiprabhākaraliṅgaṁ tat praṇamāmi sadāśivaliṅgam .
the linga as bright as ten million suns — to that Sadashiva linga I bow.
अष्टदलोपरिवेष्टितलिङ्गं सर्वसमुद्भवकारणलिङ्गम् ।
aṣṭadalopariveṣṭitaliṅgaṁ sarvasamudbhavakāraṇaliṅgam .
The linga set upon the eight-petalled lotus; the linga that is the cause from which everything arises;
अष्टदरिद्रविनाशनलिङ्गं तत् प्रणमामि सदाशिवलिङ्गम् ॥
aṣṭadaridravināśanaliṅgaṁ tat praṇamāmi sadāśivaliṅgam .
the linga that ends the eight kinds of want — to that Sadashiva linga I bow.
सुरगुरुसुरवरपूजितलिङ्गं सुरवनपुष्पसदार्चितलिङ्गम् ।
suragurusuravarapūjitaliṅgaṁ suravanapuṣpasadārcitaliṅgam .
The linga honoured by the devas' guru and the best of the devas; the linga honoured always with flowers from the gardens of the devas;
परात्परं परमात्मकलिङ्गं तत् प्रणमामि सदाशिवलिङ्गम् ॥
parātparaṁ paramātmakaliṅgaṁ tat praṇamāmi sadāśivaliṅgam .
the linga beyond the highest, the supreme self — to that Sadashiva linga I bow.
लिङ्गाष्टकमिदं पुण्यं यः पठेत् शिवसन्निधौ ।
liṅgāṣṭakamidaṁ puṇyaṁ yaḥ paṭhet śivasannidhau .
Whoever reads this Lingashtakam, full of merit, near Shiv ji,
शिवलोकमवाप्नोति शिवेन सह मोदते ॥
śivalokamavāpnoti śivena saha modate .
reaches Shiv ji's world and rejoices with him.