Shri Gopal Chalisa IAST

śrī rādhāpada kamala raja, sira dhari yamunā kūla.

varaṇo cālīsā sarasa, sakala sumaṁgala mūla.

jaya jaya pūraṇa brahma bihārī, duṣṭa dalana līlā avatārī.

jo koī tumharī līlā gāvai, bina śrama sakala padāratha pāvai.

śrī vasudeva devakī mātā, prakaṭa bhaye saṁga haladhara bhrātā.

mathurā soṁ prabhu gokula āye, nanda bhavana meṁ bajata badhāye.

jo viṣa dena pūtanā āī, so mukti dai dhāma paṭhāī.

tr̥ṇāvarta rākṣasa saṁhāryau, paga baḍhāya sakaṭāsura māryau.

khela khela meṁ māṭī khāī, mukha meṁ saba jaga diyo dikhāī.

gopina ghara ghara mākhana khāyo, jasumati bāla keli sukha pāyo.

ūkhala soṁ nija aṁga bam̐dhāī, yamalārjuna jaḍa yoni chuḍāī.

bakā asura kī coṁca vidārī, vikaṭa aghāsura diyo sam̐hārī.

brahmā bālaka vatsa curāye, mohana ko mohana hita āye.

bāla vatsa saba bane murārī, brahmā vinaya karī taba bhārī.

kālī nāga nāthi bhagavānā, dāvānala ko kīnhoṁ pānā.

sakhana saṁga khelata sukha pāyo, śrīdāmā nija kandha caḍhāyo.

cīra harana kari sīkha sikhāī, nakha para giravara liyo uṭhāī.

daraśa yajña patnina ko dīnhoṁ, rādhā prema sudhā sukha līnhoṁ.

nandahiṁ varuṇa loka soṁ lāye, gvālana ko nija loka dikhāye.

śarada candra lakhi veṇu bajāī, ati sukha dīnhoṁ rāsa racāī.

ajagara soṁ pitu caraṇa chuḍāyo, śaṁkhacūḍa ko mūḍa girāyo.

hane ariṣṭā sura aru keśī, vyomāsura māryo chala veṣī.

vyākula braja taji mathurā āye, māri kaṁsa yaduvaṁśa basāye.

māta pitā kī bandi chuḍāī, sāndīpani gr̥ha vidyā pāī.

puni paṭhayau braja ūdhau jñānī, prema dekhi sudhi sakala bhulānī.

kīnhīṁ kubarī sundara nārī, hari lāye rukmiṇi sukumārī.

bhaumāsura hani bhakta chuḍāye, surana jīti surataru mahi lāye.

dantavakra śiśupāla saṁhāre, khaga mr̥ga nr̥ga aru badhika udhāre.

dīna sudāmā dhanapati kīnhoṁ, pāratha ratha sārathi yaśa līnhoṁ.

gītā jñāna sikhāvana hāre, arjuna moha miṭāvana hāre.

kelā bhakta bidura ghara pāyo, yuddha mahābhārata racavāyo.

drupada sutā ko cīra baḍhāyo, garbha parīkṣita jarata bacāyo.

kaccha maccha vārāha ahīśā, bāvana kalkī buddhi munīśā.

hai nr̥siṁha prahlāda ubāryo, rāma rūpa dhari rāvaṇa māryo.

jaya madhu kaiṭabha daitya hanaiyā, ambarīṣa priya cakra dharaiyā.

byādha ajāmila dīnheṁ tārī, śabarī aru gaṇikā sī nārī.

garuḍāsana gaja phanda nikandana, dehu daraśa dhruva nayanānandana.

dehu śuddha santana kara saṅgā, bāḍhai prema bhakti rasa raṅgā.

dehu divya vr̥ndāvana bāsā, chūṭai mr̥ga tr̥ṣṇā jaga āśā.

tumharo dhyāna dharata śiva nārada, śuka sanakādika brahma viśārada.

jaya jaya rādhāramaṇa kr̥pālā, haraṇa sakala saṁkaṭa bhrama jālā.

binasaiṁ bighana roga duḥkha bhārī, jo sumaraiṁ jagapati giradhārī.

jo sata bāra paḍhai cālīsā, dehi sakala bām̐chita phala śīśā.

gopāla cālīsā paḍhai nita, nema soṁ citta lāvaī.

so divya tana dhari anta maham̐, goloka dhāma sidhāvaī.

saṁsāra sukha sampatti sakala, jo bhaktajana sana maham̐ cahaiṁ.

'jayarāmadeva' sadaiva so, gurudeva dāyā soṁ lahaiṁ.

praṇata pāla aśaraṇa śaraṇa, karuṇā-sindhu brajeśa.

cālīsā ke saṁga mohi, apanāvahu prāṇeśa.