Opening doha
śrī bhairava saṁkaṭa harana, maṁgala karana kr̥pālu.
karahu dayā nija dāsa pe, niśidina dīnadayālu.
Chaupai
jaya ḍamarūdhara nayana viśālā, śyāma varṇa, vapu mahā karālā.
jaya triśūladhara jaya ḍamarūdhara, kāśī kotavāla, saṁkaṭahara.
jaya girijāsuta paramakr̥pālā, saṁkaṭaharaṇa, harahu bhramajālā.
jayati baṭuka bhairava bhayahārī, jayati kāla bhairava baladhārī.
aṣṭarūpa tumhare saba gāyeṁ, saphala eka te eka sivāye.
śivasvarūpa śiva ke anugāmī, gaṇādhīśa tuma sabake svāmī.
jaṭājūṭa para mukuṭa suhāvai. bhālacandra ati śobhā pāvai.
kaṭi karadhanī ghum̐ghurū bājaiṁ, darśana karata sakala bhaya bhājaiṁ.
kara triśūla ḍamarū ati sundara, morapaṁkha ko caṁvara manohara.
khappara khaḍga lie balavānā, rūpa caturbhuja nātha bakhānā.
vāhana śvāna sadā sukharāsī, tuma ananta prabhu tuma avināsī.
jaya jaya jaya bhairava bhaya bhaṁjana, jaya kr̥pālu bhaktana manaraṁjana.
nayana viśāla lāla ati bhārī, raktavarṇa tuma ahahu purārī.
baṁ baṁ baṁ bolata dinarātī, śiva kaham̐ bhajahu asura ārātī.
ekarūpa tuma śambhu kahāye, dūje bhairava rūpa banāye.
sevaka tumahiṁ tumahiṁ prabhu svāmī, saba jaga ke tuma antaryāmī.
raktavarṇa vapu ahahi tumhārā, śyāmavarṇa kahum̐ hoi pracārā.
śvetavarṇa puni kahā bakhānī, tīni varṇa tumhare guṇakhānī.
tīni nayana prabhu parama suhāvahiṁ, suranara muni saba dhyāna lagāvahiṁ.
vyāghra carmadhara tuma jaga svāmī, pretanātha tuma pūrṇa akāmī.
cakranātha nakuleśa pracaṇḍā, nimiṣa digambara kīrati caṇḍā.
krodhavatsa bhūteśa kāladhara, cakratuṇḍa daśabāhu vyāladhara.
ahahiṁ koṭi prabhu nāma tumhāre, japata sadā meṭata duḥkha bhāre.
cauṁsaṭha yoginī nācahiṁ saṁgā, krodhavāna tuma ati raṇaraṁgā.
bhūtanātha tuma parama punītā, tuma bhaviṣya tuma ahahu atītā.
vartamāna tumharo śuci rūpā, kālamayī tuma parama anūpā.
ailādī ko saṁkaṭa ṭāryo, sāda bhakta ko kāraja sāryo.
kālīputra kahāvahu nāthā, taba caraṇana nāvahuṁ nita māthā.
śrīkrodheśa kr̥pā vistārahu, dīna jāni mohi pāra utārahu.
bhavasāgara būḍhata dinarātī, hohu kr̥pālu duṣṭa ārātī.
sevaka jāni kr̥pā prabhu kījai, mohiṁ bhagati apanī aba dījai.
karahum̐ sadā bhairava kī sevā, tuma samāna dūjo ko devā.
aśvanātha tuma parama manohara, duṣṭana kaham̐ prabhu ahahu bhayaṁkara.
tumharo dāsa jahām̐ jo hoī, tākaham̐ saṁkaṭa pare na koī.
harahu nātha tuma jana kī pīrā, tuma samāna prabhu ko balavīrā.
saba aparādha kṣamā kari dījai, dīna jāni āpuna mohiṁ kījai.
jo yaha pāṭha kare cālīsā, tāpai kr̥pā karahu jagadīśā.
Closing doha
jaya bhairava jaya bhūtapati jaya jaya jaya sukhakanda.
karahu kr̥pā nita dāsa pe, dehu sadā ānanda.