Sankat Mochan Hanuman Ashtak IAST

bāla samaya ravi bhakṣi liyo, taba tīnahum̐ loka bhayo am̐dhiyāro.

tāhi soṁ trāsa bhayo jaga ko, yaha saṁkaṭa kāhu soṁ jāta na ṭāro.

devana āni karī vinatī taba, chām̐ḍi diyo ravi kaṣṭa nivāro.

ko nahiṁ jānata hai jaga meṁ kapi, saṁkaṭamocana nāma tihāro.

bāli kī trāsa kapīsa basai, girijāta mahāprabhu paṁtha nihāro.

cauṁki mahāmuni śāpa diyo, taba cāhiye kauna vicāra vicāro.

kai dvija rūpa livāya mahāprabhu, so tuma dāsa ke śoka nivāro. ko nahiṁ jānata hai jaga meṁ kapi, saṁkaṭamocana nāma tihāro.

aṁgada ke saṁga lena gae siya, khoja kapīsa yaha baina ucāro.

jīvata nā bacihauṁ hama soṁ ju, binā sudhi lāe ihām̐ pagu dhāro.

heri thake taṭa siṁdhu sabai taba, lāya siyā sudhi prāṇa ubāro. ko nahiṁ jānata hai jaga meṁ kapi, saṁkaṭamocana nāma tihāro.

rāvaṇa trāsa daī siya ko taba, rākṣasa soṁ kahi soka nivāro.

tāhi samaya hanumāna mahāprabhu, jāya mahā rajanīcara māro.

cāhata sīya asoka soṁ āgisu, de prabhu mudrikā soka nivāro. ko nahiṁ jānata hai jaga meṁ kapi, saṁkaṭamocana nāma tihāro.

bāna lagyo ura lachimana ke taba, prāṇa taje suta rāvaṇa māro.

lai gr̥ha vaidya sukhena sameta, tabai giri drona subīra upāro.

āni saṁjīvani hātha daī taba, lachimana ke tuma prāṇa ubāro. ko nahiṁ jānata hai jaga meṁ kapi, saṁkaṭamocana nāma tihāro.

rāvana yuddha ajāna kiyo taba, nāga ki phāṁsa sabai sira ḍāro.

śrī raghunātha sameta sabai dala, moha bhayo yaha saṁkaṭa bhāro.

āni khageśa tabai hanumāna ju, bandhana kāṭi ke trāsa nivāro. ko nahiṁ jānata hai jaga meṁ kapi, saṁkaṭamocana nāma tihāro.

baṁdhu sameta jabai ahirāvaṇa, lai raghunātha pātāla sidhāro.

devihiṁ pūji bhalī vidhi soṁ bali, deū sabai mili maṁtra bicāro.

jāya sahāya bhayo tabahī, ahirāvaṇa sainya sameta saṁhāro. ko nahiṁ jānata hai jaga meṁ kapi, saṁkaṭamocana nāma tihāro.

kāja kie baḍa devana ke tuma, vīra mahāprabhu dekhi bicāro.

kauna so saṁkaṭa mora garība ko, jo tumase nahiṁ jāta hai ṭāro.

begi haro hanumāna mahāprabhu, jo kachu saṁkaṭa hoya hamāro. ko nahiṁ jānata hai jaga meṁ kapi, saṁkaṭamocana nāma tihāro.

lāla deha lālī lase, aru dhari lāla laṁgūra.

bajra deha dānava dalana, jaya jaya jaya kapi sūra.